Znajści
Ałharytmičny łacinski varyjant
08.03.2023 / 09:036RusŁacBieł

Śledčyja znajšli łodku, na jakoj pieravozili vybuchoŭku dla dyviersii na «Paŭnočnym patoku». Raźviedka ZŠA ličyć, što za joj moža stajać «praŭkrainskaja hrupa»

Pra mierkavańnie amierykanskaj raźviedki paviedamiła hazieta The New York Times sa spasyłkaj na krynicy. U amierykancaŭ niama dokazaŭ datyčnaści da vybuchaŭ najvyšejšaha kiraŭnictva Ukrainy. 

Pa viersii raźviedki, u hrupu ŭvachodzili sapierniki Uładzimira Pucina, jakija mieli hramadzianstva RF ci Ukrainy. Hramadzianie ZŠA i Vialikabrytanii, pavodle źviestak raźviedki, u hetym nie ŭdzielničali, piša hazieta. Imiony ŭdzielnikaŭ hrupy nieviadomyja.

NYT adznačaje, što vybuchoŭku na trubapravody mahli zakłaści daśviedčanyja vadałazy, jakija ŭ minułym mahli «prachodzić śpiecyjalizavanuju padrychtoŭku ŭ dziaržaŭnych strukturach».

Ananimnyja aficyjnyja asoby ZŠA adznačyli, što nie znajšli nijakich dokazaŭ, što da dyviersij datyčny rasijski bok. 

Pra toje, što «ślady viaduć va Ukrainu», taksama zajavili krynicy niamieckich miedyja — haziety Die Zeit i telekanałaŭ ARD i SWR. Jašče vosieńniu 2022 hoda, nieŭzabavie paśla vybuchaŭ na hazapravodach, jak piša Die Zeit, «adna z zachodnich śpiecsłužbaŭ» paviedamiła jeŭrapiejskim partnioram, što da dyviersii moža mieć dačynieńnie ŭkrainski śpiecnaz. 

Rasśledavalniki ŭstanavili łodku, jakuju vykarystoŭvali dla dyviersii. Łodku arandavała kampanija z Polščy, jakaja naležyć dvum ukraincam. Śledčyja ŭstanavili, što łodka vyjšła ŭ mora z horada Rostak u Hiermanii 6 vieraśnia 2022 hoda, a paśla jaje zaŭvažyli na dackim vostravie Kryścijansio, jaki znachodzicca ŭ rajonie, dzie adbylisia vybuchi. Śledčyja znajšli ŭ kajucie ślady vybuchoŭki.

Pa danych śledstva, u dyviersii ŭdzielničali šeść čałaviek: piaciora mužčyn i adna žančyna. U hrupu ŭvachodzili kapitan, dva vadałazy, dva pamočniki i doktar. Die Zeit piša, što nacyjanalnaść udzielnikaŭ niezrazumiełaja, bo jany vykarystoŭvali padroblenyja dakumienty, naprykład, dla arendy łodki.

Chto staić za dyviersijaj, niezrazumieła. U śpiecsłužbach Zachadu ličać, što śledstva mahli puścić pa łžyvym śledzie z dapamohaj dokazaŭ, jakija pakazvajuć na Ukrainu jak na vykanaŭcu, ale nijakich dokazaŭ, jakija paćviardžajuć heta, niama.

U Ofisie prezidenta Ukrainy admaŭlajuć datyčnaść da dyviersij.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
1
Ха-ха
25
Ого
12
Сумна
2
Абуральна
2
0
Abyšto/adkazać/
08.03.2023
Za koho vy nas dieržitie?!
0
Sparrow/adkazać/
08.03.2023
vzorvali i vzorvali. chrien s nim. mierkielata i putiniata ostaliś bieź śvierdochodov. eto radujet.  
0
Shareu chleu nary i chata i šob korova zdochła/adkazać/
09.03.2023
Tipičnaja łohika sosieda
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031