U Litvie znoŭ aryštavali jurysta Mantasa Danielusa, padazravanaha ŭ špijanažy
Jurysta Mantasa Danielusa, jakoha ŭ Litvie abvinavačvajuć u špijanažy na karyść Biełarusi, znoŭ źmiaścili pad vartu da 5 krasavika, paviedamlaje LRT.
Mantasa Danielusa zatrymali 28 vieraśnia minułaha hoda, i jon niekalki miesiacaŭ pravioŭ pad vartaj. Ale ŭ lutym jamu źmiakčyli mieru strymańnia i vyzvalili pad padpisku.
U jakaści ŭmovy vyzvaleńnia Danielusu byli zabaronienyja kantakty z udzielnikami pracesu i inšymi ludźmi, nazvanymi ŭ rašeńni suda. Ale, pavodle słoŭ prakurora Hiedrusa Tarasiavičusa, Danielus niekalki razoŭ parušyŭ hetyja patrabavańni. Tamu jość padstavy mierkavać, što na voli padazravany moža schavacca ad śledčych, prakurora abo suda, pieraškadžać sudovamu pracesu abo ździejśnić novyja złačynstvy.
Mantas Danielus uvachodziŭ u davier da biełaruskich arhanizacyj u Litvie, zdabyvaŭ u ich infarmacyju. Jon abvinavačvajecca ŭ tym, što pieradavaŭ sabranuju infarmacyju roznym biełaruskim słužbam, uklučajučy KDB.
Čytajcie taksama:
Litoŭskamu jurystu, jakoha padazrajuć u špijanažy na karyść Biełarusi, źmiakčyli mieru strymańnia
Chacieŭ źbiehčy ŭ Biełaruś, ale nie paśpieŭ. Novyja padrabiaznaści spravy pra špijanaž na karyść KDB litoŭskaha jurysta
«Biełaruski dumali, što Danielus šukaje sabie žonku». Rasśledavańnie litoŭskaha telebačańnia pra dziejnaść Danielusa
Ukaraniajecca ŭ biełaruskija arhanizacyi jak juryst, pierasyłaje infarmacyju Lebiedzievaj. Dziŭnaja dziejnaść Mantasa Danielusa
