«Bajpoł»: Samalot DRŁV A-50 byŭ padarvany ŭ dvuch miescach, jany pakazanyja na fota
«U vyniku dvuch vybuchaŭ paciarpieli piaredniaja i centralnaja častki samalota, paškodžanaja avijonika i radyjołakacyjnaja antena», — paviedamlaje abjadnańnie byłych siłavikoŭ «Bajpoł».
Miescy paškodžańniaŭ pakazanyja na fota.
Ilustracyja: telehram-kanał «Bajpoła»
Pa ich słovach, paškodžańni surjoznyja, samalot dakładna ŭžo nikudy nie palacić. Zdareńnie adbyłosia padčas pracy kala hetaha samalota śniehaŭboračnaj techniki.
«Biełaruskija partyzany paśladoŭnyja ŭ vyhnańni fašystaŭ sa svajoj ziamli», — takim kamientaryjem supravadžaje svaju infarmacyju «Bajpoł».
Nahadajem, rankam kala 9-j ranicy na aeradromie «Mačuliščy» byli čutnyja dva vybuchi. Paśla hetaha tam nazirajecca aktyŭnaść siłavikoŭ. Aŭtamabilistaŭ u vakolicach spyniali, kab pravieryć. Mačuliščy niejki čas patrulavaŭ viertalot.
Padrabiaźniej: Hajun: Na aeradromie Mačuliščy moh być paškodžany miehakaštoŭny rasijski samalot A-50. Z čata Mačuliščaŭ vydalili ŭsie paviedamleńni
