Borys Džonsan zajaviŭ pra žadańnie ŭznačalić NATA
Były premjer-ministr Vialikabrytanii Borys Džonsan u efiry ŭkrainskaha telekanała «Rada» zajaviŭ, što razhladaje siabie jak kandydata na pasadu hienieralnaha sakratara NATA.
Borys Džonsan u Kijevie 23 lutaha 2023 hoda. Fota: Ukrainian Presidential Press Office via AP
«Vydatnaja dumka.
Ja pavinien abviaścić, što jość takaja zaduma. […] Ja razhladaju siabie jak kandydata. Heta vielmi dobraja pasada, važnaja»,
— skazaŭ Džonsan, adkazvajučy na pytańnie žurnalistaŭ pra svaje pierśpiektyvy ŭznačalić aljans.
«Ciapier NATA mocny jak nikoli», — adznačyŭ były brytanski premjer.
Mandat ciapierašniaha hienieralnaha sakratara NATA, narviežca Jensa Stołtenbierha, zakančvajecca ŭ kastryčniku. Kazali, što jon moža być praciahnuty, ale niadaŭna sam Stołtenbierh zajaviŭ, što nie źbirajecca zastavacca na hetaj pasadzie.
Siarod kandydataŭ na pasadu raniej nazyvalisia premjer-ministr Ispanii Pedra Sančes i ministr abarony Vialikabrytanii Ben Uoles.
