«Nastolki zabranzavieŭ». Bondarava napisała ŭ prakuraturu na Marzaluka
Infakazačka z Hrodna Volha Bondarava napisała zajavu ŭ Hienieralnuju prakuraturu. Jana patrabuje pravieści pravierku ŭ dačynieńni da deputata i historyka Ihara Marzaluka. «Spryjaje raspalvańniu varožaści i nianaviści», — aburyłasia jana vykazvańniu Marzaluka ŭ efiry STB pra pazityŭnuju dyskryminacyju na karyść biełaruskaj movy
«Na repliku viadoŭcy pra «niezadavolenych błohieraŭ» Marzaluk adkazaŭ, što jamu «načchać». Heta značyć, deputatu naplavać na mierkavańnie hramadzian i jaho vybarščykaŭ. Jak ža heta stasujecca z deputackaj etykaj? Abo Ihar Marzaluk nastolki zabranzavieŭ, što moža sabie dazvolić pa-chamsku stavicca da hramadzian Respubliki Biełaruś?» — piša Bondarava ŭ zvarocie.
Jana dadaje, što ŭkrainskija padziei ničomu Marzaluka nie navučyli.
«Kab paźbiehnuć sumnaj doli Ukrainy i nie stać achviarami hramadzianskaj vajny, prosim dać pravavuju acenku vykazvańniam Marzaluka na pradmiet raspalvańnia moŭnaj varožaści i abaranić biełaruskaje hramadstva ad mahčymych padobnych vypadaŭ suprać adnoj ź dziaržaŭnych moŭ u budučyni», — havorycca ŭ zajavie Bondaravaj.
Deputat Marzaluk vykazaŭsia za pazityŭnuju dyskryminacyju na karyść biełaruskaj movy. U častki łukašystaŭ pałychaje
