Nastaŭnikam aficyjna dazvolili jeści ŭ školnych stałovych, pamianiaŭšy Kodeks ab adukacyi
Deputaty Pałaty pradstaŭnikoŭ uchvalili ŭ dvuch čytańniach papraŭki ŭ Kodeks ab adukacyi, jakija dazvolać nastaŭnikam i vychavalnikam charčavacca ŭ stałovych pa miescy pracy. Pra heta paviedamiła pres-słužba pałaty.
Kodeks byŭ dapoŭnieny artykułam 54-1, u jakim idzie havorka pra stvareńnie ŭmoŭ dla charčavańnia piedahahičnych i inšych rabotnikaŭ ustanoŭ adukacyi.
U artykule praduhledžanaje prava supracoŭnikaŭ dziciačych sadkoŭ, škoł i ŭstanoŭ śpiecyjalnaj adukacyi charčavacca ŭ stałovych pa miescy pracy. Paradak arhanizacyi takoha charčavańnia budzie vyznačany ŭradam.
Raniej źjaŭlałasia infarmacyja pra toje, što nastaŭnikam nie dajuć charčavacca ŭ školnych stałovych, bo košt abiedaŭ tam subsidujecca dziaržavaj i pryznačany tolki dla dziaciej. Kab vyrašyć hetuju vialikuju prablemu, spatrebiłasia ŭmiašańnie samoha ministra adukacyi i ŭniasieńnie źmienaŭ u zakanadaŭstva.