Ułady Turcyi paraŭnali siłu ziemlatrusu z vybucham 500 atamnych bombaŭ
Ziemlatrusy ŭ Turcyi i Siryi zakranuli šyrokija płoščy i zabrali žyćci bolš za 20 tysiač čałaviek.
Razburany dom u Adanie. Fota: Bernat Armangue / AP
Ziemlatrus na paŭdniovym uschodzie Turcyi supastaŭny z vybucham 500 jadziernych bombaŭ, zajaviŭ žurnalistam kiraŭnik Departamienta minimizacyi ryzyki tureckaha Upraŭleńnia nadzvyčajnych situacyj (AFAD) Archan Tatar.
«Praciahłaść pieršaha ziemlatrusu skłała 65 siekund i mieła razburalny efiekt. Druhi ziemlatrus akazvaŭ razburalnaje ŭździejańnie na praciahu 45 siekund. Rehijon mocna tresła na praciahu prykładna dźviuch chvilin. Enierhija, vyzvalenaja ŭ vyniku ziemlatrusu mahnitudaj 7,7, raŭnaznačnaja enierhii 500 atamnych bombaŭ», — skazaŭ Tatar.
Raniej turecki navukoviec-hieafizik Achmiet Erdžan u intervju haziecie Duvar taksama paraŭnoŭvaŭ ziemlatrus z vybucham sotniaŭ jadziernych bombaŭ. Pa jaho słovach, u radyusie 200 km ad epicentra ŭ najbližejšyja dva-try hady mohuć zdarycca najmahutniejšyja afteršoki.
Biełarusku Alaksandru Akpynar i jaje syna znajšli pad zavałami
