Biełaruskija łabaratoryi Synevo nieŭzabavie pieražyvuć rebrendynh i pierachod na rasijskija standarty
Ciapier rasijskaj łabaratornaj słužbie «Chieliks» naležyć 100% najbujniejšaj łabaratoryi pryvatnaj dyjahnostyki ŭ Biełarusi, paviedamiła sankt-pieciarburhskaje vydańnie «Fantanka», nie nazyvajučy sumu inviestycyj.
Ab prodažy Synevo «Chieliksu» stała viadoma ŭ listapadzie minułaha hoda, ale nieŭzabavie źjaviłasia infarmacyja, što kampanija nibyta akazałasia ŭ liku tych, jakija ŭrad zabaraniŭ pradavać. Ale, vidać, dla rasijan heta nievyrašalnaj prablemaj nie stała.
Da kupli rasijskim biznesam biełaruskaja sietka Synevo była intehravanaja ŭ jeŭrapiejskuju sietku łabaratoryj «Miedykavier». Jana doŭhi čas była adzinaj łabaratoryjaj u Biełarusi, jakaja mieła prava pravodzić mikrabijałahičnyja daśledavańni. Praca viałasia ŭ 58 łabaratornych punktach u 23 haradach.
Ciapier pačałasia arhanizacyjnaja praca pa pieravodu ŭsich hetych łabaratoryj na standarty «Chieliksa».
Taksama kampaniju čakaje rebrendynh. Da kanca biahučaha hoda sietka budzie pracavać pad dvuma brendami, raskazaŭ zasnavalnik i hienieralny dyrektar «Chieliksa» Juryj Andrejčuk, a paśla zastaniecca tolki Helix.
Łabaratornaja słužba «Chieliks» viadomaja svaimi 600 dyjahnastyčnymi centrami i łabaratornymi punktami ŭ 200 haradach Rasii i Kazachstana. Za 2021 hod vyručka kampanii skłała 16,1 miljarda rubloŭ, čysty prybytak — 1,69 miljarda.
Čytajcie taksama:
Novymi ŭłaśnikami sietki Synevo ŭ Biełarusi stanuć ruskija
Sietku Synevo zabaranili pradavać
