Pryhožyn źviarnuŭsia da Zialenskaha z prośbaj nie zdavać Bachmut
Uładalnik PVK «Vahnier» Jaŭhien Pryhožyn źviarnuŭsia da prezidenta Ukrainy Uładzimira Zialenskaha ź niečakanaj prośbaj — nie vyvodzić vojski z Bachmuta, jaki «vahnieraŭcy» biespaśpiachova sprabujuć uziać užo niekalki miesiacaŭ.
«Nie rabicie hetaha. Arciomaŭsk — hałoŭnaja padzieja hetaj vajny. My pavinny bicca dalej. Vy prajavicie bajaźlivaść. Vas pierastanuć pavažać. Ukrainski narod nie daruje vam zdačy Arciomaŭska pryvatnaj vajskovaj struktury. Supraciŭlajciesia. Zmahajciesia da kanca», — napisaŭ Pryhožyn.
Možna mierkavać, što nasamreč Pryhožyn choča, kab ukrainskija vojski zrabili naadvarot. Ale va ŭkraincaŭ pakul takich namieraŭ niama, prynamsi, publična jany nie ahučvajucca.
Naadvarot, prezident Ukrainy Uładzimir Zialenski na pres-kanfierencyi pa vynikach samitu Ukraina — ES siońnia zajaviŭ, što vyvadu ŭkrainskich vojskaŭ z frantavoha Bachmuta nie budzie. Uzbrojenyja siły Ukrainy praciahvajuć utrymlivać horad.
Čytajcie taksama:
Padalak: Ukraina płacić vielmi vysokuju canu za ŭtrymańnie Bachmuta, ale my nie možam jaho pakinuć
NYT: RF straciła va Ukrainie zabitymi i paranienymi 200 tysiač vajskoŭcaŭ
