Znajści
Ałharytmičny łacinski varyjant
03.02.2023 / 16:296RusŁacBieł

U baranavickim filijale «Atłanta» adbylisia zvalnieńni z-za fatahrafii 2020 hoda

Zvalnieńni za palityku paśla 2020 hoda dla Biełarusi pierastali być redkaściu. Heta zakranuła praktyčna ŭsich: ad supracoŭnikaŭ čyhunki da nastaŭnikaŭ i rabotnikaŭ dziaržarhanizacyj. A praz dva z pałovaj hady siłaviki zacikavilisia rabotnikami zavoda «Atłant», dakładniej jaho rehijanalnaha filijała — Baranavickaha stankabudaŭničaha zavoda. Jak raspavioŭ «Lusterku» supracoŭnik pradpryjemstva, dniami adtul zvolnili piać čałaviek. Kažuć, heta jašče nie kaniec.

Taja samaja fatahrafija

Supracoŭnik baranavickaha filijała «Atłanta» Andrej kaža, što ŭsia zavarucha pačałasia z-za fatahrafii kala prachadnoj zavoda 14 žniŭnia 2020 hoda. U toj dzień zavadčanie pa ŭsioj krainie vychodzili na akcyi pratestu. Rabotniki Baranavickaha stankabudaŭničaha zavoda nie zastalisia ŭbaku: sfatahrafavalisia la prachadnoj z płakatami i padniatymi ŭvierch žestami «viktary».

Sam Andrej zapeŭnivaje, što apynuŭsia na fota vypadkova:

«My kožny abied vychodzim hulać. Kali ja spuściŭsia, na vulicy ŭžo sabralisia ludzi. Ja naohuł u palitycy ničoha nie razumieju. Dakładniej, nie raźbirajusia, jak palityki viaduć svaje spravy. Ale voś takoje staŭleńnie da naroda, kali ludziej źbivajuć, a ty nie možaš ničoha skazać, — heta marazm. Uvohule, my pastajali, a potym pajšli na svaje pracoŭnyja miescy i pačali pracavać. Ale ŭsio heta było zafiksavana na kamieru.

Reakcyja ŭ kiraŭnictva zavoda była apieratyŭnaj. Surazmoŭca raspaviadaje, što ŭžo na nastupny dzień dyrektar atrymaŭ śpis supracoŭnikaŭ z hetaj fatahrafii. Potym praviali ahulny schod: byli razmovy, što treba «spyniać hetyja dziejańni» i inšaje. Ale hetym tady ŭsio i skončyłasia.

— I voś prajšło dva z pałovaj hady, — mužčyna pierachodzić da ciapierašnich padziej. — Z 11 studzienia 2023 hoda supracoŭnik našaha pradpryjemstva (jak ja razumieju, heta supracoŭnik KDB, ale ciapier jon u štacie «Atłanta», namieśnik pa biaśpiecy ci niešta nakštałt taho) pačaŭ pastupova vyklikać da siabie ŭsich z toj fatahrafii.

Praz dva z pałovaj hady jany sprabavali ŭspomnić, što było. My stali tudy chadzić. Jany chacieli daviedacca, chto arhanizoŭvaŭ usio heta. Ale mnie navat adkazać niama čaho. Adkul ja viedaju? Tak, u mianie jość svaja pazicyja, ale ja jaje tak zaŭziata nie vykazvaŭ, ni za što nie zmahaŭsia.

Mužčyna śćviardžaje, što ŭ pracesie razmovy na zvalnieńnie supracoŭnikam nie namiakali. Pytańni zadavali standartnyja: navošta vyjšli, chto paklikaŭ, adkul daviedalisia.

— Dy za piać chvilin ja daviedaŭsia, prosta vyjšaŭ prahulacca ŭ abied! — emacyjna kaža Andrej. — My ž nie siadzim na miescy, majem znosiny adno z adnym. Usie viedali pra treš, jaki adbyvajecca ŭ krainie. Pra zatrymańnie adnaho našaha supracoŭnika, jakoha ŭziali na mitynhu i źbili, jon jašče adsiedzieŭ troje sutak. Potym, kali vyjšaŭ, pakazvaŭ svaim kaleham, što byŭ uvieś sini: ad hrudnoj kletki da kaleniaŭ. Jašče hety namieśnik pytaŭsia, chto fatahrafavaŭ, chto arhanizavaŭ. Kali ja i pamiataŭ, to nie staŭ havaryć. I heta dla ich adrazu aznačaje, što krucišsia, niešta chavaješ i naohuł usio arhanizoŭvaŭ. Z supracoŭnikam orhanaŭ my pahutaryli ŭ ahulnym narmalna i razyšlisia.

Ale paśla hutarak pačalisia zvalnieńni. Pa słovach Andreja, 31 studzienia byŭ apošni pracoŭny dzień dla piaciarych: traich načalnikaŭ biuro zavoda, viadučaha inžyniera i namieśnika pa ideałahičnaj pracy.

Kamuści skazali pisać zajavu pa ŭłasnym žadańni, a voś apošniamu, pa čutkach, nie praciahnuli kantrakt. Z adnym sa zvolnienych kaleh Andrej znajomy daŭno i raskazvaje padrabiaznaści.

— Jak ja zrazumieŭ, u hety paniadziełak (30 studzienia) była płaniorka, i kiraŭniku abo namiaknuli, abo prosta skazali: «Voś tabie śpis, kab hetych ludziej tut nie było», — raspaviadaje surazmoŭca. — U hety ž dzień kalehu zaprasiŭ da siabie niepasredny kiraŭnik i skazaŭ pisać zajavu ab zvalnieńni pa pahadnieńni bakoŭ, užo z 31 studzienia. A ŭ jaho kantrakt byŭ dziejny, nie tak daŭno padoŭžany. I atrymlivajecca, što čałaviek ci piša zajavu pa pahadnieńni bakoŭ, ci jamu namiakajuć, što pačnuć «kapać». Usio roŭna ž znojdziecca niešta, što ty skazaŭ nie tak. Užo za hetuju fatahrafiju nam prypisali 342 artykuł (arhanizacyja dziejańniaŭ, jakija hruba parušajuć hramadski paradak, abo aktyŭny ŭdzieł u ich).

Pa słovach Andreja, za zvolnienych pa śpisach na pradpryjemstvie asabliva nie zastupilisia:

— Usie bajacca za svaju zadnicu, siadziać na svaich pasadach i zarobkach. Mnie zdajecca, navat kali b naš dyrektar i pasprabavaŭ niešta skazać, jamu adkazali b: «Nie viakaj, ty budzieš nastupnym». Napeŭna, hetaha nikomu nie chočacca. Kali kaleha padpisvaŭ abchodny list, dyrektar skazaŭ jamu, što ŭsiudy, dzie moh, prasiŭ spačatku pahavaryć ź ludźmi, a potym zvalniać, ale nichto nie prysłuchaŭsia.

Na fota było 48 čałaviek, hutaryli z mnohimi ź ich. Zvolnili pakul što tolki piaciarych. Ale chodziać čutki, što vynikovaja meta — zvolnić 40 čałaviek.

Ja jašče spytaŭ u hetaha siłavika, maŭlaŭ, dla čaho vy ŭvohule heta fota padniali, dva z pałovaj hady prajšło, mnohaje źmianiłasia. Na što mnie adkazali: «Mnie treba znajści zavadataraŭ, arhanizataraŭ, pamočnikaŭ, piešak».

Andrej kaža, što try načalniki biuro i viadučy inžynier, jaki zapuskaje vytvorčaść, nie pryjšli na pracu ŭ adzin dzień.

— Techničny praces siłavikoŭ nie cikavić. I nikoha nie chvaluje, što staž zvolnienych — 10—15 hadoŭ, u kahości navat za dvaccatku. Heta nie prosta ad studentaŭ pazbavilisia, — aburajecca mužčyna. — Jašče dniami akazałasia, što dźvium dziaŭčatam z fota nie buduć padaŭžać kantrakty. A na hetym zdymku jość ekanamisty płanavaha adździeła, buchhałteryja, šmat načalnikaŭ biuro, načalnik liciejnaj vytvorčaści. Buduć ciapier zavod uzdoŭž i ŭpopierak. Heta dakładna. Va ŭsich heta vyklikaje tolki adnu reakcyju: navošta? Akramia mata, niervovaha śmiechu i spustašeńnia — prosta niama ničoha.

Žurnalisty źviarnulisia pa kamientar u filijał «Atłanta» ŭ Baranavičach. Praŭda, dyjałoh vyjšaŭ karotki. Na pytańnie, ci sapraŭdy na pradpryjemstvie adbyvajucca zvalnieńni z-za padziej 2020 hoda i ŭ kaho možna ŭdakładnić detali, supracoŭnica pryjomnaj adreahavała davoli rezka.

— Jakoje prava vy majecie telefanavać i zadavać mnie takija pytańni? U nas usio dobra, da pabačeńnia, — i na hetym kinuła trubku.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
--/adkazać/
03.02.2023
naviernoje naš Atłant (słovo) proischodit ot drievniehriečieskoho słova «τλῆναι» — «tierpieť»
1
Woodoo Cult/adkazać/
03.02.2023
magic people, ty mienia poputał s kiem-to, [vyd]. Schodi zierkalcie počitaj.
0
Sudździa u adstaucy /adkazać/
04.02.2023
Eto v duchie łukašizma. Hod primirienija i sozidanija. To jesť budiet jeŝie odin hod (trietij pośle 2020) stravlivanija hraždan, razdielennych na dva łahieria łukašienko. Łahieŕ jeho opory. I łahieŕ ostalnych, kotoryje dołžny pokajaťsia v komiśsii švieda. Hod vnutrieńniej vojny i dalniejšieho razrušienija zakonnosti, hosudarstviennosti, principov smieniamosti i vybornosti vłasti.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera