U Bresckaj vobłaści spahnali 750 tysiač rubloŭ z vypusknikoŭ, jakija nie dajechali pa raźmierkavańni
U Bresckaj vobłaści pa iskach prakuroraŭ u 2022 hodzie spahnali bolš za Br756 tysiač z vypusknikoŭ vyšejšych i siarednich śpiecyjalnych ustanoŭ adukacyi, jakija nie adpracavali naležny termin pa raźmierkavańni, pieradaje BiełTA.
«Vypuskniki-biudžetniki, nie žadajučy pracavać na prapanavanym miescy, časam nie dajazdžali da miesca raźmierkavańnia. Abo, prystupiŭšy da pracy, ździajśniali prahuły biez uvažlivych pryčyn, za jakija ich zvalniali. U takich vypadkach uźnikaŭ abaviazak kampiensavać dziaržavie raschody, zatračanyja na navučańnie. Vypłaty mohuć pravodzicca dobraachvotna i ŭ sudovym paradku, — raspaviali ŭ prakuratury. — Jak praviła, maładyja śpiecyjalisty admaŭlalisia kampiensavać raschody samastojna, tamu prakurory pradjaŭlali ŭ sud patrabavańni ab spahnańni zatračanych na navučańnie hrošaj».
U Bresckaj vobłaści prakurory letaś pradjavili 147 takich pazovaŭ. Sudy razhledzieli zajavy i zadavolili patrabavańni ŭ poŭnym abjomie. Naprykład, adzin z maładych śpiecyjalistaŭ paśla zakančeńnia vučoby pačaŭ pracavać pa raźmierkavańni, ale praz vosiem miesiacaŭ jaho zvolnili za prahuły. Pa isku prakurora małady čałaviek viarnuŭ 14 tysiač rubloŭ, jakija dziaržava vydzieliła na jaho navučańnie.
«Na praktycy sudovyja rašeńni, jakija ŭstupili ŭ siłu redka vykonvalisia ŭ dobraachvotnym paradku. Kampietentnyja orhany inicyjavali ich prymusovaje vykanańnie», — źviarnuli ŭvahu ŭ prakuratury Bresckaj vobłaści.
