Baćka z synam ździejśnili ŭzbrojeny nalot na apteku ŭ Hrodnie
Baćka z synam pasprabavali abrabavać apteku ŭ Hrodnie. Incydent adbyŭsia dva tydni tamu, ale padazravanych zatrymali tolki ciapier, paviedamili ŭ MUS.
Pavodle infarmacyi MUS, nieviadomyja ŭ maskach paśla zakryćcia apteki zajšli ŭsiaredzinu i zapatrabavali ad farmaceŭta addać usie hrošy, pahražajučy pry hetym «pradmietam, padobnym na pistalet». Supracoŭnik apteki akazaŭ aktyŭny supraciŭ, paśla čaho napadniki ŭciakli.
Praz dva tydni apieratyŭniki zatrymali 18-hadovaha žychara Hrodna. Jon pryznaŭsia ŭ złačynstvie i skazaŭ, što ŭčynić rabavańnie prapanavaŭ jaho 56-hadovy baćka.
Doma ŭ apošniaha byŭ znojdzieny pistalet, jaki, jak miarkujecca, vykarystoŭvaŭsia pry napadzie, i maski.
Mužčyny zatrymanyja, u dačynieńni da ich zaviedzienaja kryminalnaja sprava za razboj.
