U Minsku adkryli raźviazku na skryžavańni Aeradromnaj i Žukoŭskaha
Raniej tut było zvyčajnaje skryžavańnie sa śviatłafornym rehulavańniem i naziemnymi piešachodnymi pierachodami. Ciapier tut niama śviatłaforaŭ, a piešachody pierasiakajuć darohu pa padziemnym pierachodzie, paviedamlajuć «Minsk-Naviny».
Usie fota: «Minsk-Naviny»
Pa vulicy Žukoŭskaha ruch arhanizavany pa troch pałosach u kožnym napramku. Jość pałosy razhonu i tarmažeńnia. Na raźviazcy — śviatłodyjodnaje aśviatleńnie. Uzdoŭž vulicy Žukoŭskaha abstalavanyja vieładarožka i piešachodnaja darožki, ustanoŭlenyja aharodžy.
— Vulica Aeradromnaja — davoli važnaja transpartnaja arteryja horada, učastak druhoha transpartnaha kalca, — kamientuje staršy inžynier pa arhanizacyi darožnaha ruchu Uładzimir Sierhiajenka. — Dziakujučy adkryćciu raźviazki palepšacca transpartnyja suviazi ŭ žyłym kompleksie «Minsk Mir», palehčycca vyjezd dla kiroŭcaŭ, jakija pražyvajuć pa susiedstvie, pavialičycca prapusknaja zdolnaść vuł. Aeradromnaj.