Znajści
Ałharytmičny łacinski varyjant
02.02.2023 / 08:54RusŁacBieł

Ekspart pradukcyi «Biełnaftachima» pieraaryjentavali na Rasiju 

Praz sankcyi «Biełnaftachim» pieraaryjentavaŭ svaju pracu na rasijski rynak. Pa vynikach 11 miesiacaŭ 2022 hoda ekspart arhanizacyj kancerna ŭ Rasijskuju Fiederacyju vyras na 55% i skłaŭ 1,1 miljarda dalaraŭ. Pra heta profilnamu vydańniu zajaviŭ staršynia Biełaruskaha dziaržaŭnaha kancerna pa nafcie i chimii Andrej Rybakoŭ.

Pavodle Rybakova, naftachimičnaja halina stała adnoj z tych, što trapili pad sankcyi. Adnak pradpryjemstvy kancerna zmahli «chutka adaptavacca da pracy ŭ źmienienych vonkavych umovach».

Naprykład, udałosia naraścić zdabyču nafty. Letaś jana pieravysiła 1,8 miljona ton — heta rekordny za apošnija 20 hadoŭ pakazčyk, śćviardžaje Rybakoŭ.

Pavodle jaho, u paraŭnańni z papiarednim hodam dasiahnuty pryrost abjomu vytvorčaści pradukcyi, u tym liku pa zdabyčy nafty, bujnahabarytnych aŭtamabilnych šyn i inšych vidach chimičnaj pradukcyi, ale, jak udakładniajecca, u naturalnym vyražeńni.

Pa vynikach pracy za 11 miesiacaŭ 2022 hoda ekspart arhanizacyj kancerna ŭ Rasijskuju Fiederacyju vyras na 55% i skłaŭ 1,1 miljarda dalaraŭ, u tym liku naftapraduktaŭ i azotnych uhnajeńniaŭ — 903 miljony dalaraŭ.

Dola Rasijskaj Fiederacyi ŭ ahulnym abjomie ekspartu kancerna dasiahnuła 22,6 pracenta i pavialičyłasia na 12,1 pracentnaha punkta.

«Praktyčna pa ŭsim asartymiencie naftachimičnaj pradukcyi zabiaśpiečana istotnaje naroščvańnie jak fizičnych, tak i vartasnych abjomaŭ ekspartu: pa šynach — na 21,5 pracenta i 77,6 pracenta adpaviedna, naftapraduktach — u 1,6 i 1,8 razu, chimičnych vałoknach i nitkach — na 15% i 43,8%, škłovałakonnaj pradukcyi — na 16,5% i 62,4%, niatkanych materyjałach — na 23,6% i 33,1%, poliamidam — na 10,5% i 30,4%», — havoryć kiraŭnik.

Za 11 miesiacaŭ 2022 hoda ŭ Rasiju pastaŭlena 219,1 tysiačy ton uhnajeńniaŭ i atrymana bolš za 100 miljonaŭ dalaraŭ.

Pavodle Rybakova, pa vynikach minułaha hoda abjom ekspartu pradukcyi pa zamacavanych za kancernam hrupach i raździełach tavarnaj namienkłatury źniešnieekanamičnaj dziejnaści JEAES dasiahnie 3,5 miljarda dalaraŭ pry ŭstanoŭlenym pakazčyku ŭ pamiery 2,25 miljarda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera