Znajści
Ałharytmičny łacinski varyjant
01.02.2023 / 23:401RusŁacBieł

Urad znoŭ pamianiaŭ sistemu rehulavańnia cen

Urad vydaŭ pastanovu № 713(2), jakaja, jak śćviardžajecca, zaklikanaja «zaviaršyć rabotu pa zabieśpiačeńni funkcyjanavańnia paŭnavartasnaj sistemy rehulavańnia cen». Jaje pałažeńni pačynajuć dziejničać z 2 lutaha i ŭdakładniajuć pastanovu №713 minułaha hoda, jakaja nie va ŭsim suadnosicca z patrabavańniami realnaha žyćcia.

Uniesienyja hetym razam źmieny tyčacca «raźmierkavańnia administracyjnaj nahruzki pamiž dziaržaŭnymi orhanami pry paćvierdžańni ekanamičnaj metazhodnaści ŭdakładnieńnia padychodaŭ pry farmiravańni cen, źniaćcia niezrazumiełaściaŭ i roznačytańniaŭ».

Siarod inšaha pašyrany pieralik vypadkaŭ, jakija nie patrabujuć uzhadnieńnia pry namiery pavysić adpusknuju canu. Heta dazvolić pradaŭcam samastojna prymać rašeńni pa adpusknych cenach u vypadkach admieny źnižak (pry ŭmovie, što paźniej cana nie budzie pieravyšać raniej uzhodnienuju), a taksama pry pieraraźliku cany praparcyjna vazie (abjomu) tavaru.

Adnačasova ŭdakładnienaja norma ŭ dačynieńni da zabarony tavaraabmiennych apieracyj (bartaru).

Praduhledžana pastanovaj i mahčymaść pavieličeńnia cen na sumu dastaŭki tavaraŭ:

  • dla vytvorcaŭ i imparcioraŭ — farmiravańnie adpusknych cen z ulikam abo biez uliku vydatkaŭ na dastaŭku;
  • dla aptovaha i roźničnaha handlu — pry dastaŭcy tavaru da roźničnych abjektaŭ, u tym liku pry pastaŭcy z ułasnaha łahistyčnaha (raźmierkavalnaha) składa;
  • dla dystancyjnaha handlu — pry dastaŭcy ŭ punkty vydačy abo pakupnikam.

Taksama ŭdakładnienyja padychody da prymianieńnia kursu valut pry farmiravańni adpusknych cen imparcioram u zaležnaści ad umoŭ apłaty tavaraŭ. Akramia taho, detalizavany pieralik infarmacyi, što musić być u tavarasupravadžalnych dakumientach kankretna dla kožnaha źviana ruchu tavaraŭ: vytvorcy, imparciora, aptovaha i roźničnaha handlu.

Udakładnienaja śfiera raspaŭsiudžvańnia rehulavańnia ŭ dačynieńni da:

  • tavaraŭ, pryznačanych dla ŭłasnaha karystańnia, vytvorčaści i (abo) spažyvańnia jurydyčnymi asobami;
  • haračych napojaŭ praz handlovyja aŭtamaty;
  • niecharčovych tavaraŭ pa indyvidualnych zamovach fizičnych asob;
  • pry realizacyi niecharčovych tavaraŭ u firmovych kramach ajčynnaha vytvorcy albo subjekta handlu, jaki atrymaŭ prava prodažu.

Pry hetym urad padkreślivaje, što ŭsio adno budzie trymać stan spažyvieckaha rynku na asablivym kantroli i budzie «ŭ metach zachavańnia cenavaj stabilnaści» nadalej prymać roznyja zachady.

Situacyja, jakaja vymahaje pryniaćcia ŭsio novych i novych udakładniajučych dakumientaŭ, uźnikła paśla taho, jak Łukašenka 6 kastryčnika 2022 hoda zabaraniŭ pavyšać ceny, padpisaŭšy Dyrektyvu № 10 «Ab niedapuščalnaści rostu cen». Potym pastanovaj urada № 713 było ŭviedziena rehulavańnie cen na tavary spažyvieckaha košyka. Ale realnaje žyćcio bolš składanaje, čym žadańni viarchoŭ, tamu ŭradu davodzicca pastupova i pakrysie libieralizavać pieršapačatkovyja zanadta strohija ŭstanoŭki.

Čytajcie taksama:

«Rasčlanionuju kurycu» ŭsio nijak nie mohuć urehulavać

Hałoŭčanka raskazaŭ, ci praciahniecca strohaje rehulavańnie cenaŭ

Urad anansuje mahčymaje asłableńnie rehulavańnia cen

Urad vydaŭ čarhovuju pastanovu nakont rasčlanionaj ptuški

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Biźniesmien/adkazać/
02.02.2023
Mnie plevať na žiełanija Łukašienko i naroda. Budu vsiemi sposobami povyšať rientabielnosť i svoju pribyl.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera