Znajści
Ałharytmičny łacinski varyjant
01.02.2023 / 16:399RusŁacBieł

Čamu Łukašenku ŭ Zimbabve supravadžaŭ časovy pavierany Biełarusi ŭ ZŠA? 

Ciaham vizitu Alaksandra Łukašenki ŭ adnu z najbolš adstałych krain śvietu — Zimbabve — jaho supravadžaŭ intelihientnaha vyhladu mužčyna ŭ akularach. Heta Dźmitryj Basik. Jon prysutničaŭ na inaŭhuracyi Bajdena, i na sajcie MZS usio jašče paznačany jak časovy pavierany Biełarusi ŭ ZŠA. Čamu jon ciapier u Zimbabve? 

Dźmitryj Basik źleva. Fota: telehram-kanał «Puł piervoho»

Basik zastajecca časovym pavieranym, ale ŭžo niejki čas jak pakinuŭ ZŠA i byŭ u Minsku. 

«Vidać, pakolki jon byŭ pad rukoj, jaho ŭziali ŭ Zimbabve ŭ jakaści pierakładčyka, u jaho biezdakornaja anhlijskaja», — skazaŭ «Našaj Nivie» adzin z surazmoŭcaŭ.

«Jon zaŭsiody byŭ u pule pierakładčykaŭ, jakija mohuć supravadžać delehacyi vysokaha ŭzroŭniu. I ŭ Zimbabve, chutčej za ŭsio, jon byŭ pa tych ža spravach — jak pierakładčyk», — patłumačyŭ inšy surazmoŭca. 

Prafiesijnyja jakaści Dźmitryja Basika vysoka aceńvajuć jaho byłyja i dziejnyja kalehi. Jon byŭ blizki ź niabožčykam namieśnikam ministra zamiežnych spraŭ Aleham Kraŭčankam, jaki adkazvaŭ za amierykanski kirunak, i apisvajecca jak spakojny, tavaryski i razumny čałaviek. 

Cikavy fakt jaho bijahrafii: Basik śpiavaŭ u biełaruskim treš-fołk-mietał hurcie Vicious Crusade. Heta byŭ adzin z zaŭvažnych hurtoŭ svajho času. Zbolšaha jon vypuskaŭ anhłamoŭnyja chity, ale było i niekalki piesień pa-biełarusku. Apošni albom nazyvaŭsia Freedom Comes.

Dźmitryj Basik u 2007 hodzie

U rozny čas Basik pracavaŭ u centralnym aparacie Ministerstva zamiežnych spraŭ, byŭ konsułam u Niderłandach i časovym pavieranym u Kanadzie. 

Padčas vybaraŭ u 2020-m na ŭčastku ŭ Vašynhtonie vyniki hałasavańnia, jakija apublikavała vybarčaja kamisija, supali z danymi ekzitpołaŭ, jakija pravodzilisia na vychadzie z učastkaŭ u biełaruskich dyppradstaŭnictvach za miažoj. Cichanoŭskaja tut atrymała 419 hałasoŭ, tady jak Łukašenka — 13.

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
29
Панылы сорам
15
Ха-ха
10
Ого
14
Сумна
2
Абуральна
6
0
Hałasavaŭ u Vašynhtonie ŭ 2020/adkazać/
01.02.2023
U vas niedakładnaja infarmacyja. Niezaležnyja naziralniki byli dapuščany da nazirańnia i padliku hałasoŭ.
0
Hałasavaŭ u Vašynhtonie ŭ 2020/adkazać/
01.02.2023
Basik navat apublikavaŭ aficyjny pratakoł: https://zubr.in/commission/5910
0
Ŝučieŝiena/adkazać/
01.02.2023
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930