Znajści
Ałharytmičny łacinski varyjant
01.02.2023 / 21:321RusŁacBieł

Arabski śviet bolš nie padtrymlivaje dziejańni Rasii 

Heta adna z vysnoŭ hruntoŭnaha statystyčnaha daśledavańnia, jakoje ŭ 2022 hodzie pravodziłasia ŭ arabskich krainach.

Fota: pixabay

Pucinski i łukašenkaŭski režymy na fonie vajny va Ukrainie, unutranych palityčnych represij, ekanamičnych prablem i sankcyjnaha cisku vielmi lubiać siabie supakojvać tym, što suprać ich vajuje vyklučna Zachad, jaki ŭjaŭlaje saboj tolki maleńkuju častku płaniety (z samymi vysokimi pakazčykami VUP i VPK), a ŭsia astatniaja «suśvietnaja bolšaść» niby ź vialikaj radaściu ich padtrymlivaje abo, jak minimum, zastajecca niejtralnaj. 

U prykład jany niaredka pryvodziać krainy arabskaha śvietu, upeŭnivajučy, što heta adny ź ich najlepšych siabroŭ i suprać palityki dźviuch krain ničoha nie majuć. Ale ci tak heta na samaj spravie?

Niadaŭna vyjšła spravazdača Arabskaha centra daśledavańniaŭ i vyvučeńnia palityki (ACRPS) za 2022 hod ź vialikim masivam statystyčnaj infarmacyi, jakaja pryśviečana nastrojam žycharoŭ 14 arabskich krain i ich staŭleńniu da samych roznych tem: ad pytańniaŭ uzroŭniu žyćcia, relihii i sacyjalnych sietak da pytańniaŭ demakratyi, rehijanalnaj biaśpieki i mižnarodnaj palityki.

U apytańni Arab Opinion Index, zasnavanym na asabistych intervju z udziełam 33 tysiač respandentaŭ, taksama abmiarkoŭvałasia staŭleńnie da Rasii ŭ kantekście jaje dziejnaści ŭ śviecie i asabliva ŭ arabskim rehijonie. My pračytali heta daśledavańnie i pryvodzim nižej karotkuju infarmacyju pra toje, što arabski śviet uvohule dumaje pra rasijskuju palityku.

Rasija ŭvachodzić u top-5 krain, jakija pahražajuć stabilnaści i biaśpiecy arabskaha śvietu

Pavodle apytańnia, siarod krain, čyja palityka niasie pahrozu arabskim krainam, samymi niebiaśpiečnymi ličacca Izrail (84%) i ZŠA (78%).

Śledam za imi ŭ jakaści hałoŭnych pahroz arabskamu śvietu iduć Iran i Rasija, pryčym abiedźvie krainy, na dumku rehijanalnaj hramadskaści, niasuć adnolkavuju niebiaśpieku — za ich prahałasavali pa 57% apytanych respandentaŭ.

Krynica: arabindex.dohainstitutie

Taksama ŭ kantekście rehijanalnaj palityki asobna razhladajecca situacyja z Paleścinaj. 

Mierkavańnie ŭdzielnikaŭ apytańnia, raźbitaje pa arabskich rehijonach, pakazvaje na pieravažna niehatyŭnaje staŭleńnie da palityki Rasii ŭ hetym pytańni — ahułam 58% suprać i tolki 23% za.

Krynica: arabindex.dohainstitutie

Što tyčycca mižnarodnaha vykliku, a mienavita vajennaha ŭvarvańnia Rasii va Ukrainu, to siarod apytanych uvohule tolki 19% ličać padobnyja dziejańni apraŭdanymi ci častkova apraŭdanymi. A amal pałova (44%) respandentaŭ usich arabskich krain ličyć heta niedapuščalnym i nieapraŭdanym. 

Dyjahrama 86 pakazvaje, što ni ŭ adnoj ź pieraličanych arabskich krain Rasija ŭ hetym vypadku nie maje pieravažnaj padtrymki. Adzinaja takaja-siakaja padtrymka ŭ Rasii jość tolki ŭ Ałžyry — 5% (praŭda, pry hetym astatnija 94% zusim nie vyznačylisia).

U toj ža momant u Katary, Kuviejcie, Tunisie, Iardanii, Iraku, Maŭrytanii i Jehipcie absalutnaja bolšaść respandentaŭ vystupaje suprać rasijskaj ahresii va Ukrainie (u hetych arabskich krainach suprać vajny vystupajuć 50% i vyšej).

Krynica: arabindex.dohainstitutie

Arab Opinion Index 2022 — užo vośmaje pa liku statystyčnaje apytańnie ŭ arabskich krainach. Heta štohadovaje apytańnie — najbujniejšaje daśledavańnie hramadskaj dumki ŭ arabskim śviecie pry ahulnych aficyjnych adchileńniach mierkavańniaŭ plus-minus 2—3%. Z poŭnaj spravazdačaj na anhlijskaj movie za 2022 hod vy možacie aznajomicca ​​tut.

Čytajcie jašče:

Jakija sankcyi zdolnyja pryvieści da źmieny režymu? Adkazvaje prafiesar Sonin 

Borys Džonsan nazvaŭ pamyłku Zachadu, bieź jakoj nie było b vajny RF va Ukrainie 

Mižnarodnaja fiederacyja žurnalistaŭ vyklučyć Sajuz žurnalistaŭ Rasii 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Tomara/adkazać/
01.02.2023
A skolko było voplej iz krymla moł «idiem v aziju». Nu nu izhoi vy idietie vśled za svoim korablem!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera