Pamior lehiendarny chakieist Bobi Chał
Kanadcu Bobu Chału było 84 hady i jon uvachodziŭ u sotniu lepšych hulcoŭ NCHŁ u historyi.
Fota: Alaksandr Danilušyn / Fotachronika TASS
Chał hulaŭ u NCHŁ u 1957—1972 hadach za kłub «Čykaha», u 1961 hodzie vyjhraŭ z kamandaj Kubak Stenli.
Kanadski forvard 12 razoŭ braŭ udzieł u Matčy zorak NCHŁ, dvojčy rabiŭsia samym kaštoŭnym hulcom siezona, trojčy — lepšym bambardziram rehularnaha čempijanatu.
Z nacyjanalnaj zbornaj Chał udzielničaŭ u supiersieryi 1974 hoda sa zbornaj SSSR, vyjhraŭ Kubak Kanady 1976 hoda.
U 1983 hodzie Bobi Chał byŭ uklučany ŭ Zału chakiejnaj słavy, u 2017 hodzie — u śpis 100 najvialikšych hulcoŭ NCHŁ.
Razam z adnakłubnikam Stenam Mikitam Chał ličycca pačynalnikam vykarystańnia klušak z zahinam, čym padvysiłasia efiektyŭnaść kidkoŭ.
