Vyjšli na volu ekskursavody Sacukievič i Varykiš
Pavodle infarmacyi krynic «Radyjo Svaboda», zatrymanyja 13 studzienia ekskursavody Ivan Sacukievič i Aleś Varykiš, vyjšli na svabodu. Sacukievič adsiedzieŭ 15 dzion, Varykiš — 10.
Ivan Sacukievič i Aleś Varykiš
13 studzienia sioleta pa darozie ŭ Siemiežava na abrad «Kaladnyja cary» ŭ Hrozavie Kapylskaha rajona siłaviki zatrymali vialikuju ekskursiju — da 80 čałaviek, na dvuch aŭtobusach — z hidami Alesiem Varykišam, Natallaj Ždanok i Ivanam Sacukievičam.
Va ŭsich zatrymanych pravieryli dakumienty i telefony. Bolšaść ludziej, akramia ekskursavodaŭ, adpuścili. Paźniej stała viadoma, što dvuch ekskursavodaŭ — Varykiša i Sacukieviča — zatrymali na 72 hadziny. Paśla im prysudzili «sutki».
Na abrad udzielniki ekskursii tady nie trapili, bo ich 5 hadzin pratrymali ŭ Kapyli ŭ aŭtobusie, pakul praviarali.
Čytajcie taksama:
Zatrymali ekskursavodaŭ Alesia Varykiša i Ivana Sacukieviča
