BYSOL abviaściŭ terminovy zbor na pachavańnie Eduarda Łobava
Pra abviaščeńnie terminovaha zboru na pachavańnie vajskoŭca-biełarusa i byłoha palitviaźnia, jaki dniami zahinuŭ u vakolicach Bachmuta na Danbasie, paviedamiŭ kiraŭnik fonda BYSOL Andrej Stryžak.
«Usio svajo žyćcio Eduard Łobaŭ pražyŭ pad znakam niezaležnaj, volnaj i biełaruskaj Biełarusi. Achviarnaść, mužnaść, śmiełaść i pryncypovaść — epitety, jakimi možna adznačyć Eduarda. Biełarus addaŭ svajo žyćcio, dapamahajučy našym ukrainskim susiedziam adbić napad rasijskich ahresaraŭ. Eduard skončyŭ svajo žyćcio ŭ bai, vorah doraha zapłaciŭ za jaho.
Baćkam hieroja patrebnaja dapamoha — chavać Eduarda buduć u Polščy. Pieravoz cieła, apłata miesca na mohiłkach i inšyja vydatki dastatkova značnyja. Pa ŭzhadnieńni z maci Eduarda Marynaj, my abviaščajem hety terminovy zbor», — piša Andrej Stryžak.
Dapamahčy hodna pravieści hieroja možna pa spasyłcy.
Čytajcie taksama:
Va Ukrainie zahinuŭ biełarus-dobraachvotnik Eduard Łobaŭ
