Znajści
Ałharytmičny łacinski varyjant
29.01.2023 / 19:021RusŁacBieł

Niamiecki kancern Rheinmetall hatovy biesprecedentna naraścić vytvorčaść zbroi

Havorka idzie pra tankavyja i artyleryjskija bojeprypasy, a taksama rakietnyja sistemy HIMARS, što tak dobra zarekamiendavali siabie.

Fota: Martin Meissner, AP

Niamiecki abaronny kancern Rheinmetall choča pačać vypusk RSZA HIMARS, a taksama maje rezka naraścić vytvorčaść bojeprypasaŭ dla tankaŭ i artyleryi dziela zadavalnieńnia vysokaha popytu Ukrainy i krain Zachadu. Pra heta 28 studzienia paviedamiła ahienctva Reuters. 

Sam kancern viadomy vytvorčaściu 120-mm harmat dla tankaŭ Leopard 2, jakija Hiermanija i inšyja krainy Zachadu pahadzilisia pieradać Ukrainie dla viartańnia terytoryj, zachoplenych Rasijaj. 

Pa słovach hienieralnaha dyrektara Rheinmetall Armina Papierhiera, vytvorčaja mahutnaść vyrabu 155-mm artyleryjskich snaradaŭ moža być pavialičana da 450—500 tysiač štuk za hod, što zrobić kancern najbujniejšym u śviecie pa vytvorčaści takoha typu bojeprypasaŭ. Takaja ž havorka idzie i pra 120-mm tankavyja snarady.

«My možam vyrablać 240 tysiač tankavych bojeprypasaŭ u hod. Heta bolš, čym treba ŭsiamu śvietu», — skazaŭ Papierhier u intervju Reuters.

Taksama jon dadaŭ, što Rheinmetall płanuje damovicca z amierykanskaj kampanijaj Lockheed Martin dla pačatku vytvorčaści znakamitych HIMARS, bo Niamieččyna vałodaje ŭsimi nieabchodnymi technałohijami dla stvareńnia bojehałovak, rakietnych ruchavikoŭ i hruzavikoŭ pad hetyja reaktyŭnyja sistemy.

Nahadajem, što jašče letam 2022 hoda Ukraina atrymała ad ZŠA pieršyja reaktyŭnyja sistemy załpavaha ahniu HIMARS. Hetyja dalnabojnyja i dakładnyja sistemy dapamahli Ukrainie istotna zatarmazić nastup rasijskaj armii šlacham kropkavaha źniščeńnia jaje štaboŭ i składoŭ bojeprypasaŭ.

Čytajcie jašče:

Aŭstralijski hienierał: HIMARS pamianiaŭ charaktar bajoŭ, ale adzin jon nie spravicca 

Ukraina paprasiła Zachad terminova dać dźvie eskadrylli źniščalnikaŭ

Bloomberg: Pucin rychtuje novy nastup na Ukrainu, vajna moža zaciahnucca na hady

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
9
Jeroma/adkazać/
29.01.2023
Dumaju haspada naprasiliś na malińkuju jadirnuju bombačku.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera