U Rasii padazrajuć maskviča ŭ tym, što jon zjaŭlajecca ŭładalnikam Nexta Live. Nexta Live heta abviarhaje
Baza apublikavała infarmacyju, što maskoŭskija śledčyja zapadozryli 27-hadovaha žychara Maskvy ŭ tym, što jon źjaŭlajecca ŭładalnikam prajekta Nexta Live. Kanał adkazaŭ, što heta ŭkid, u redakcyi naohuł niama hramadzian RF.
Siońnia Baza paviedamiła, što maskoŭskija śledčyja zacikavilisia telehram-kanałam Nexta Live z-za publikacyj ad siaredziny sakavika minułaha hoda. Jany nibyta vyličyli, što kanałam vałodaje 27-hadovy Aleh S., jaki pražyvaje ŭ Maskvie, nibyta na jaho zapisanaja simka, na jakuju aformleny kanał.
NEXTA Live adkazaŭ, što heta niapraŭda.
«Pa-pieršaje, sam fakt taho, što naš supracoŭnik moža znachodzicca ŭ Rasii ci Biełarusi — heta absurd. U metach biaśpieki ni adzin ź dziejnych pradstaŭnikoŭ redakcyi nie naviedvaje nazvanyja krainy. Pa-druhoje, u redakcyi NEXTA niama hramadzian RF», — napisali ŭ kanale.
Kanał vykazaŭ zdahadku, što rasijskija siłaviki «zachacieli atrymać zoračku, nie prykładajučy lišnich vysiłkaŭ».
NEXTA Live — bujny telehram-kanał z 1,3 młn padpisčykaŭ. Jaho zasnavaŭ biełarus Ściapan Puciła.
