Znajści
Ałharytmičny łacinski varyjant
28.01.2023 / 12:253RusŁacBieł

Što pahladzieć. «Šlach dachaty» (The Way Home) — siamiejnaja drama z padarožžami ŭ časie

Kanał Hallmark prezientavaŭ novy film — šmatpakalenčuju sahu «Šlach dachaty». Heta historyja pra troch žančyn, jakija pavinny źmirycca z pakutlivym minułym svajoj siamji, ščyry apovied z adcieńniem padarožža ŭ časie.

Fota: kadr z aficyjnaha trejlera

Nas znajomiać z Ket — žančynaj, jakaja niadaŭna raźviałasia sa svaim mužam i tolki-tolki zhubiła pracu žurnalista. U Ket jość dačka-padletak Elis, jakaja maje prablemy z pavodzinami i niadaŭna była vyklučanaja z pryvatnaj siaredniaj škoły ŭ Minieapalisie, raskazvaje cheatsheet.com.

Niečakana Ket atrymlivaje list ad svajoj maci Deł, ź jakoj jany žyli asobna. Ket chapaje hetuju praciahnutuju ruku, ad jakoj u inšym vypadku admoviłasia b, i jedzie z dačkoj u svoj rodny horad — kanadski Port-Chejvien.

Hetaje miesca nibyta syšło z pryhožaj paštoŭki, ale niajasna, ci stanie Port-Chejvien tym prytułkam, jaki šukaje dla siabie Ket. Toje, što žančyna viarnułasia dachaty, prymušaje i jaje, i jaje maci Deł znoŭ sutyknucca z daŭniaj siamiejnaj trahiedyjaj, što niekali i raździaliła maci i dačku. Što da Elis, dziaŭčyna sprabuje pieražyć razvod baćkoŭ i zvyknucca z tym, što ciapier jana — žycharka Port-Chejviena. Adaptacyja ŭskładniajecca, kali Elis vyśviatlaje: sažałka la fiermy jaje babuli dazvalaje pieranieścisia ŭ 1999 hod, čas niezadoŭha da taho, kali balučaja trahiedyja nazaŭsiody źmianiła žyćcio ich siamji.

Hałoŭnaja zorka sieryjała — Endzi Makdaŭeł, vykanaŭca roli Deł. U svajoj hieraini jana abjadnoŭvaje ciepłyniu doma, rodnaha dla Ket i Elis, i maksimalnuju surjoznaść, a taksama žyvuju pamiać pra siamiejnaje niaščaście. Kajler Li vydatna pradstaŭlaje nam Ket — žančynu, jakaja i tak pieražyvaje nie najlepšyja časy, a ciapier jašče i pavinna šukać sposab prymirycca z maci i znajści kantakt ź niepasłuchmianaj dačkoj. Samaja małodšaja z troch žančyn, Elis u vykanańni Sedzi Łefłem-Snoŭ, pavodzić siabie jak zvyčajny padletak, ale za jaje nachabnaściu chavajecca ŭraźlivaść.

U šou znajšłosia miesca dla ekśpierymientaŭ, źviazanych z padarožžami ŭ časie. Byvaje, što ŭ takich situacyjach vam dakładna tłumačać, jak usio pracuje, ale «Šlach dachaty» — heta nie toj vypadak. Tut bolš važnyja nie praviły hulni, a toje, što Elis atrymlivaje mahčymaść praz padarožžy lepš zrazumieć historyju svaich maci i babuli, i ŭ vyniku ŭsia siamja robić pieršyja kroki da taho, kab akryjać. Toje, jak jany prachodziać hety šlach, źniata tak, što hledačy pažadajuć dahladzieć sieryjał da kanca.

Rejtynhi na vialikich suśvietnych resursach:

IMDB — 7,5/10,

Rotten Tomatoes — 75% (hledačy).

Abviaścili naminantaŭ na «Oskar». Chto pretenduje na statuetku?

Što pahladzieć. «Adny z nas» (The Last of Us) — absalutna zachaplalnaja antyŭtopija

«SAS: nieviadomyja hieroi»: badziorańki sieryjał pra vajnu, mužčyn, žančyn i parašuty

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Gorliwy Litwin /adkazać/
28.01.2023
Jasna što ŭva ŭsim vinavatyja mužčyny ź ich taksičnaj maskulinnaściu. Spadziajusia što hierainiamm u vyniku ŭdasca pabudavać lepšy śviet, navat ad uspaminaŭ taksičnych ačyściŭšysia. Takaja ž zadača i pierad usim čałaviectvam staić. Tolki žančyny, dzieci, biaskoncyja Dabrynia i Pryniaćcie
0
Pilipok/adkazać/
28.01.2023
Pahladzicie lepš Breaking bad. Tak, nie nova, ale žyćcieśćviaržalna j pierakanaŭča !
0
Maksim Dizajnier/adkazać/
30.01.2023
Gorliwy Litwin

V Biełarusi, konstatirovał ekśpiert, około trieti mužskich śmiertiej prichoditsia na trudosposobnyj vozrast (15-49) let. Dla sravnienija: u žienŝin etot pokazatiel 10%. Pričiny tie žie, čto i v Jevropiejskom riehionie v ciełom. Na piervom miestie sierdiečno-sosudistyje nieduhi, na vtorom - vniešnije pričiny, na trieťjem - onkołohičieskije zabolevanija.Ałan Uajt i druhije avtory otčieta sčitajut, čto vysokaja śmiertnosť mužčin i bolšaja hiendiernaja raźnica v prodołžitielnosti žiźni nie śviazany s biołohičieskimi pričinami. Dieło vo vniešnich socialnych i psichołohičieskich faktorach. "Toksičnaja mužiestviennosť stanovitsia pričinoj obraza žiźni, kotoryj povyšajet risk zabolevanij i diełajet mužčin boleje ujaźvimymi. Ich zdorovje stradajet ot poviedienija" - podčierknuł profiessor.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera