Znajści
Ałharytmičny łacinski varyjant
26.01.2023 / 18:322RusŁacBieł

Parłamienckaja asambleja Rady Jeŭropy paćvierdziła supolnuju adkaznaść za vajnu kiraŭnictva Rasii i Biełarusi

Parłamienckaja asambleja Rady Jeŭropy pryniała rašeńnie, jakim zaćvierdziła svaje patrabavańni ab stvareńni śpiecyjalnaha trybunała pa złačynstvie ahresii, paviedamlaje «Jeŭrapiejskaja praŭda».

Zała pasiadžeńniaŭ PARIE. Fota ilustracyjnaje

Rezalucyja PARIE pa pravavych i pravaabarončych składnikach ahresii RF suprać Ukrainy stała asnoŭnym dakumientam pa Ukrainie, jaki pryniali na biahučaj siesii asamblei. U im značnaja ŭvaha nadadzienaja stvareńniu novaha mižnarodna-pravavoha miechanizmu pakarańnia za złačynstva ahresii.

«Nie isnuje inšaha mižnarodnaha kryminalnaha trybunała, kampietentnaha pieraśledvać i karać za złačynstva ahresii, učynienaje suprać Ukrainy», — tłumačyć svoj zaklik PARIE.

Taksama asambleja nadała asablivuju ŭvahu tamu, što adkaznymi za złačynstva ahresii pavinny być pradstaŭniki kiraŭnictva Rasii i Biełarusi, jakija ŭ dakumiencie zhadvajucca na adnym uzroŭni.

«Rasijskija i biełaruskija palityčnyja i vajskovyja lidary, jakija płanavali, rychtavali, inicyjavali abo ažyćciaŭlali hetyja dziejańni, i jakija mieli mahčymaść kantralavać abo kiravać palityčnymi abo vajennymi dziejańniami dziaržavy, pavinny być identyfikavanyja i pryciahnutyja da adkaznaści.

Bieź ich rašeńnia ab raźviazvańni hetaj ahresiŭnaj vajny suprać Ukrainy nie adbyłosia b źvierstvaŭ, jakija vynikajuć z hetaj vajny», — padkreślivaje dakumient.

Taksama PARIE adznačaje nieabchodnaść rasśledavać i vajennyja złačynstvy, złačynstvy suprać čałaviečnaści dy abvinavačvańni ŭ hienacydzie, jakija traplajuć pad jurysdykcyju Mižnarodnaha kryminalnaha suda. 

Čytajcie taksama:

Trybunał dla Pucina i Łukašenki — što značyć rezalucyja Jeŭraparłamienta i jak taki sud budzie vyhladać

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
great Belarus/adkazać/
26.01.2023
Łukašenku musiać sudzić u Biełarusi
0
Odno iz dvuch/adkazać/
26.01.2023
Patina u Łukašienko ždiet sud́ba Kadafi ili Miłošieviča.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera