Znajści
Ałharytmičny łacinski varyjant
28.01.2023 / 18:5014RusŁacBieł

«Kuplaju łaki dla paznohciaŭ». Biełaruskija mužčyny raskazali, kolki traciać na dohlad siabie

U mnohich dziaŭčat adzin z samych adčuvalnych artykułaŭ vydatkaŭ — heta traty na kaśmietyku. A jak u chłopcaŭ? «Naša Niva» daviedałasia ŭ biełaruskich mužčyn, jakimi srodkami jany karystajucca i kolki hrošaj na ich traciać. 

«Pieražyvaŭ, što vałasy buduć doŭha pryvykać da novaha šampuniu»

Uładzisłaŭ (imia źmieniena) doŭhi čas karystaŭsia tolki šampuniem Head & Shoulders, pakul nie schadziŭ da barbiera. 

«Jon skazaŭ, što ni ŭ jakim razie nielha im karystacca, heta vielmi škodna dla skury hałavy. Potym raskazaŭ pra heta svajoj dziaŭčynie, jana mnie kupiła šampuń, jaki mnie vielmi spadabaŭsia. 

Pieražyvaŭ, što vałasy buduć doŭha pryvykać da novaha šampuniu, ale ŭsio prajšło dobra. Vałasy stali miakkimi, kali pamyju ich uviečary, to ranicaj jany nie takija tłustyja», — kaža jon. 

Niadaŭna Uładzisłaŭ pasprabavaŭ srodak dla myćcia tvaru. Jamu jaho taksama nabyła dziaŭčyna. 

Srodki, jakimi karystajecca Uładzisłaŭ

«U mianie adrazu staŭ hareć tvar. Ale mnie spadabałasia, ja naohuł lublu ŭsiakija vannyja pracedury. Usprymaju heta ŭsio jak kłopat pra svaju źniešnaść, pra siabie. 

Na hetyja ŭsie srodki dla mianie maja dziaŭčyna tracić kala 140 dalaraŭ (kala 386 rubloŭ)», — kaža małady čałaviek.

«Lublu pienu dla vanny»

Dźmitryj (imia źmieniena) na svaje dohladavyja srodki ahułam tracić 150—200 złotych (91—121 rubiel).

«Hiel dla duša ź vielmi pryjemnymi krupinkami dla cieła. Musić, jon jašče dziejničaje jak skrab. Karystajusia vadkim myłam, čytaŭ na karobcy, što jano ź Bielhii. Ale ŭ Polščy jaho možna kupić pa vialikaj źnižcy. Jano pachnie manha. 

Srodki, jakimi karystajecca Dźmitryj

Taksama ŭ hetu sumu ŭvachodzić apałoskvalnik dla zuboŭ i zubnaja pasta. Karystajusia šampuniem i kandycyjanieram dla vałasoŭ, ich taksama kuplaju pa źnižcy. I apošniaje — piena dla vanny. Lublu palažać u vańnie. Usie hetyja srodki kuplaju nie kožny miesiac. 

Kremam dla tvaru, ruk nie karystajusia, bo skura ŭ mianie šykoŭnaja, jak u niemaŭlaci». 

«Mnie abaviazkova treba, kab hieli dla duša byli z roznymi pachami»

Mikałaj (imia źmieniena) šukaŭ prydatnyja dla jaho dohladavyja srodki z padletkavaha ŭzrostu. Da 21 hoda šlacham sprob, pamyłak, kansultacyj ź siabrami znajšoŭ tyja pradukty, jakija jamu padychodziać. 

«Jany nie prosta raśpijaranyja, a nasamreč spraŭlajucca z patrebnymi dla mianie zadačami. Jak by vidavočna heta ni hučała, ale srodki z mas-markietu čaściakom abo nie pracavali, abo pakazvali nievialiki efiekt, jaki dasiahaŭsia nie samym dobrym składam praduktu», — kaža jon.

Ciažej za ŭsio Mikałaju było padabrać dohlad dla vałasoŭ. Jany ŭ chłopca afarbavanyja ŭ błond, porystyja i kučaravyja. 

«Bolšaja častka sumy, jakuju traču na dohlad, sychodzić na vałasy. Dla padtrymańnia ich jakaści treba ŭkładać čas, siły i finansy. Raz u miesiac—paŭtara ja afarboŭvaju karani, całkam taniruju vałasy — 90 jeŭra (257 rubloŭ). Plus kali brać bazavy dohlad — heta šampuni, maski, skraby. Abaviazkova śpiecyjalny šampuń dla afarbavanych i kučaravych vałasoŭ, maska — tanirujučaja abo adnaŭlalnaja. Karystajusia skrabam dla hałavy.

(hartajcie nižej, kab pračytać praciah)

«Naša Niva» — bastyjon biełaruščyny

PADTRYMAĆ

Pakolki maje vałasy porystyja, to ja fiksuju ich łakam, jany ŭ mianie ŭvieś čas patrabujuć układki. Kali ich nie dahladać naležnym čynam, to pačynajuć siačysia. Uvieś dohlad vałasoŭ u mianie ad firmy Londa», — raskazvaje chłopiec. 

Na palicy ŭ Mikałaja staić bolš za 10 srodkaŭ dla vałasoŭ. Ich chapaje jamu nadoŭha.

«Raz na miesiac mahu kupić šampuń ci masku, jakich chopić na try miesiacy. 20—25 jeŭra (57—71 rubiel) na miesiac ja traču na niejkija novyja pradukty dla vałasoŭ — syrovatki, filery. U miesiac na ŭsie srodki dla vałasoŭ sychodzić kala 110 jeŭra (314 rubloŭ). Kali jość nastroj paekśpierymientavać, to da hetaj sumy dabaŭlajecca jašče 10 jeŭra (kala 29 rubloŭ). Na ich zvyčajna kuplaju taniroŭki», — raskazvaje Mikałaj. 

Praduktaŭ pa dohladzie tvaru ŭ chłopca značna mienš. Jon karystajecca klinsieram, tonikam i ŭvilhatniajučym hielem z ałoe. 

Palica Mikałaja z dohladavymi srodkami

«Srodki dla tvaru ŭ mianie ad firmy Cerave. Ich chapaje nadoŭha, adzin raz kuplaju ŭsio — addaju prykładna 50 jeŭra (143 rubli), a potym karystajusia niekalki miesiacaŭ. Ale ja taksama lublu sprabavać niešta novaje dla tvaru. U miesiac kala 20 jeŭra (57 rubloŭ) traču jašče na takija srodki. 

Byvaje, što kuplaju jašče maski dla tvaru. Ale ja niejak nabyŭ ich ceły nabor. Ciapier u mianie ŭ chaładzilniku lažyć ich štuk tryccać», — kaža jon. 

Dla cieła Mikałaj vykarystoŭvaje skrab, hiel dla dušu i myła. 

«Časam jašče kremy, ale heta redka, kali mnie ŭžo zusim niama čym zaniacca, — kaža chłopiec. — Mnie abaviazkova treba, kab hieli dla dušu byli z roznymi pachami. I mnie abaviazkova treba, kab nie pachła «mužykom». Nie lublu pach srodkaŭ ad takich firmaŭ, jak Old Spice, Adidas. Byŭ dośvied, ja imi karystaŭsia, vielmi sušać skuru. Na srodki dla cieła ja traču kala 10 jeŭra (kala 29 rubloŭ)».

Mikałaj taksama vykarystoŭvaje dekaratyŭnuju kaśmietyku — tanalnik, cieni i padvodki dla vačej. Ale heta redka. 

«Kali i karystajusia, to nanošu tonkim słojem. Jašče łaki dla paznohciaŭ kuplaju. Dumaju, što 10—15 jeŭra (29—43 rubli) na miesiac na dekaratyŭnuju kaśmietyku i łaki traču», — raskazvaje jon. 

«Karystajusia kremam ceły dzień, pačuvajusia, jak na marskim uźbiarežžy»

U Alaksieja (imia źmieniena) try katehoryi srodkaŭ, jakimi jon karystajecca: krem dla tvaru, dla ruk i krem Dove dla ŭsiaho cieła.

«Dove ja zvyčajna mažu łokci. Kolki jon kaštuje, užo nie pamiataju. Padajecca, što kuplaješ jaho i chapaje na ŭsio žyćcio.

Krem dla tvaru — supiertanny jaki-niebudź pradukt ad «Bielity», zvyčajna ad 3—5 rubloŭ. Dziejničaje mahičnaje praviła: čym tańniejšy krem, tym bolš jon składajecca z vady. Karystajusia im ceły dzień, naohuł biady nie viedaju, pačuvajusia, jak na marskim uźbiarežžy.

A voś krem dla ruk u mianie daražejšy. Za 30-hramovy ciubik — 12 rubloŭ.

Viadoma, što karystajusia šampuniem, ale jon u mianie taksama zvyčajny. Da 10 rubloŭ na miesiac, mabyć, na jaho traču», — dzielicca Alaksiej. 

Čytajcie taksama: 

Ekskluziŭnyja Apple Watch i niečakany kaspłej. Što cikavaha my znajšli ŭ harderobach čynoŭnic

Piać łakalnych biełaruskich brendaŭ adzieńnia, pra jakija vy mahli nie viedać. A darma

Trend na vydaleńnie tłušču sa ščok zachoplivaje sacyjalnyja sietki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
hoblen/adkazać/
29.01.2023
chamsa, sama s soboj i na raznyje hołosa?) Zatiejnica (zievaja)
0
JANKA/adkazać/
30.01.2023
KARŠNIOM PA BARBIER-ŠOPIE :) «Barbier» skazaŭ, što šampuń «Ched end šoŭłders» škodny, voś jak?! A babior heny nie skazaŭ, što słova «barbier», jak tolki źjaviłasia ŭ Rasiei, adrazu ž pa-vialikapansku adkryła dźviery nožkaju j da ich, «mładšich braťjev», i najpierš da prasunutych chypstaraŭ-babarykanaŭ. I tamu ŭ ručvie razrasiejčańnia słoŭca toje naŭprost škodnaje dla biełmovy j nacyjanalna aryjentavanaje Biełarusi. Tutaka ŭzhadajma Paźniaka, i jak ža tej byŭ pravy...
0
hoblen/adkazać/
30.01.2023
JANKA, otsyptie. Tožie takoj prichod choču)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera