Brytanskaja raźviedka: Najnoŭšyja rasijskija tanki «Armata» niebajazdolnyja
Na fonie navin pra toje, što Ukraina ŭsio ž atrymaje niamieckija tanki Leopard-2, brytanskaje Ministerstva abarony daje acenku rasijskim najnoŭšym tankam.
Jak paviedamlałasia raniej, Rasija padrychtavała nievialikuju kolkaść svaich asnoŭnych bajavych tankaŭ T-14 «Armata» da pieršaha apieratyŭnaha razhortvańnia hetaha typu va Ukrainie. Adnak rasijskija vojski na poli boju biez entuzijazmu pryniali pieršuju partyju T-14 praz toje, što mašyny znachodziacca ŭ drennym stanie.
Niezrazumieła, jakija mienavita niepaładki vyklikali niezadavolenaść vajskoŭcaŭ, ale na praciahu apošnich troch hadoŭ rasijskija aficyjnyja asoby adkryta kazali pra prablemy z ruchavikami T-14 i ciepłavizarnymi sistemami.
U 2021 hodzie rasijski ministr abarony Siarhiej Šajhu nazvaŭ zapłanavany na 2022 hod sieryjny vypusk ekśpierymientalnaj partyjaj. Tamu małavierahodna, što tanki, jakija adpraŭlajucca va Ukrainu, buduć adpaviadać zvyčajnym standartam, na padstavie jakich technika ličycca bajazdolnaj.
