Znajści
Ałharytmičny łacinski varyjant
24.01.2023 / 15:09RusŁacBieł

«Majem dakładny płan»: MZS Ukrainy pra hatoŭnaść da mahčymaha abvastreńnia z boku Biełarusi

Ukraina padrychtavanaja da mahčymaha ŭzmacnieńnia pahrozy z boku Biełarusi. Urad i vajskoŭcy majuć na hety vypadak vyrazny płan dziejańniaŭ. Pra heta ŭ kamientaryi «RBK-Ukraina» zajaviŭ śpikier MZS Aleh Nikolenka.

Aleh Nikolenka. Fota «RBK-Ukraina»

Pry hetym jon adznačyŭ, što Rasija ŭsialak sprabuje ŭciahnuć Biełaruś u niepasrednuju vajnu.

«Ukraina pieraścierahaje Minsk ad lubych mahčymych dalejšych ahresiŭnych płanaŭ. Sa svajho boku, paćviardžajem adsutnaść jakich-niebudź ahresiŭnych namieraŭ u dačynieńni da Biełarusi», — zajaviŭ Nikolenka.

Pavodle jaho słoŭ, Ukraina hatovaja da luboha raźvićcia padziej i budzie dziejničać vyklučna realizujučy prava na samaabaronu, praduhledžanaje Statutam AAN.

«Siły abarony i ŭrad majuć vyrazny płan dziejańniaŭ na vypadak uzmacnieńnia pahrozy z boku Biełarusi», — adznačyŭ Nikalenka.

Pavodle źviestak analitykaŭ ISW, małavierahodna, što rasijskija vojski ciapier płanujuć adnavić novy nastup na poŭnač Ukrainy z boku Biełarusi. Zrešty, śpiecyjalisty nie vyklučajuć takoha scenaryja vosieńniu 2023 hoda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera