Hiermanija nie budzie piarečyć, kali Polšča adpravić tanki Leopard 2 va Ukrainu
Pra heta ministarka zamiežnych spraŭ Analena Bierbak zajaviła ŭ intervju francuzskamu telekanału LCI.
AP Photo/Peter Dejong
Adkazvajučy na pytańnie, što budzie, kali Polšča adpravić svaje tanki Leopard 2 biez uchvaleńnia Hiermanii, Bierbak skazała: «My nie budziem pieraškadžać.
Na hety momant hetaje pytańnie nie zadavałasia, ale, kali b nas spytali, my b nie stali pieraškadžać».
«My viedajem, nakolki važnyja hetyja tanki, i mienavita tamu my abmiarkoŭvajem heta ciapier z našymi partniorami… My pavinny pierakanacca, što žyćci ludziej buduć vyratavanyja, a terytoryja Ukrainy vyzvalenaja», — dadała jana.
Žurnalist pierapytaŭ, ci dakładna zrazumieŭ, što Hiermanija nie budzie piarečyć, kali Polšča adpravić tanki Leopard 2 va Ukrainu. «Vy mianie pravilna zrazumieli», — adkazała Bierbak.
