U Homieli zvolnili prapahandysta sa stažam. I nie jaho adnaho
U kancy 2022 hoda na homielskim telebačańni zvolnili 8 rabotnikaŭ, paviedamlaje vydańnie «Fłahštok». Siarod zvolnienych čamuści apynuŭsia i viadomy ŭ rehijonie miascovy prapahandyst Stanisłaŭ Hałkoŭski.
Stanisłaŭ Hałkoŭski
Jak paviedamiła krynica «Fłahštoka», znajomaja ź situacyjaj, pravierki na telebačańni pačalisia paśla taho, jak prajšli čystki na radyjo 107.4 FM u Homieli. U kastryčniku 2022 hoda tam zvolnili troch rabotnikaŭ za zhadku ŭ žyvym efiry viadomaha rasijskaha žurnalista i błohiera Juryja Dudzia.
Siarod zvolnienych nibyta apynuŭsia i viadomy homielski prapahandyst Stanisłaŭ Hałkoŭski. Jon vioŭ na homielskim telebačańni pieradaču «Dumki». Taksama imia Hałkoŭskaha źnikła i sa staronki «Aŭtary» na sajcie haziety «Homielskija viedamaści» — tam jon z kanca 2021 hoda zajmaŭ pasadu namieśnika hałoŭnaha redaktara. Pierad hetym Hałkoŭski pracavaŭ na dziaržprapahandu šmat hadoŭ.
Što stała pryčynaj zvalnieńniaŭ na homielskim telebačańni, pakul nieviadoma.
Čytajcie taksama:
Telekanał «Hrodna Plus» vypuściŭ pakajanny zvarot u suviazi sa zhadkaj u svaim efiry Juryja Dudzia
U Homieli zvolnili «za palityku» niekalkich supracoŭnikaŭ dziaržaŭnaha radyjo
