Znajści
Ałharytmičny łacinski varyjant
19.01.2023 / 19:072RusŁacBieł

U Biarozaŭskim rajonie ŭziali pad achovu stajanku staražytnych ludziej

Ministerstva kultury Biełarusi zaćvierdziła prajekt zon achovy stajanki pieryjadu miezalitu — rańniaha niealitu, raźmieščanaj na terytoryi Biarozaŭskaha rajona — kala darohi Stryhiń — Biaroza (na zachad ad vioski Zarečča). Adpaviednaja pastanova Minkulta apublikavanaja na Nacyjanalnym pravavym internet-partale i nabyła moc, paviedamlaje BiełTA.

Prajektam zon achovy vyznačyli miežy i zony achovy stajanki staražytnych ludziej, jakaja znachodziłasia na levym bierazie raki Jasielda.

Ciapier na terytoryi stajanki zabaroniena viadzieńnie ziemlanych, budaŭničych, mielijaracyjnych i inšych rabot, nie źviazanych z navukovymi pošukami.

Prylehłyja da stajanki achoŭnaja zona i zona achovy kulturnaha płasta ŭstanoŭlenyja dla vyjaŭleńnia i daśledavańnia mahčymych archieałahičnych abjektaŭ i artefaktaŭ. Ziemlanyja raboty tam mohuć pravodzicca tolki pry archieałahičnym nahladzie.

Achoŭnaja zona abmiežavanaja płoščaj uročyšča. Z poŭnačy kulturny płast stajanki abmiežavany sielskimi mohiłkami, z poŭdnia i zachadu — lesam, z uschodu — darohaj.

Stajanku staražytnych ludziej kala vioski Zarečča vyjaviŭ u 1963 hodzie archieołah Uładzimir Isajenka. Pry daśledavańni šlacham paviarchoŭnaha zboru byli znojdzienyja artefakty epochi miezalitu i niealitu, takija jak pradmiety pracy, vyraby z kremieniu i frahmienty posudu.

Čytajcie taksama:

Na Vilejščynie znajšli frahmient kafli z hierbam Vialikaha Kniastva Litoŭskaha

Hałoŭčanka anansavaŭ maštabnyja raskopki na haradziščy «Mienka»

Jakija artefakty znajšli padčas sioletnich raskopak u Kreŭskim zamku 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
4
Čorny kapalnik/adkazać/
19.01.2023
A mnie pad rośpis tuju pastanovu minskich načalnikaŭ nie daviali.
0
Vir/adkazać/
20.01.2023
Jakaja vam stajanka ? Stajanka, heta ŭ nieasiedłych ludziej. A tam ža, pa fakcie, biezumoŭna, znachodziłasia staražytnaje Kniastva Aratych, ź niečuvanaj sacyjalnaj arhanizacyjaj, vybarnaśju pravadyra, viečam i pravami čałavieka ! Nu, adnym słovam, Kniastva...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera