Vyjšaŭ na volu palitviazień Jaŭhien Čarvinski
Palitviazień Jaŭhien Čarvinski vyjšaŭ na volu paśla zakančeńnia terminu źniavoleńnia 4 studzienia. Za kratami jon utrymlivaŭsia 2 hady 3 miesiacy i 11 dzion, piša «Viasna».
22-hadovy Jaŭhien Čarvinski byŭ abvinavačany ŭ tym, što z 23 pa 24 vieraśnia 2020 hoda braŭ udzieł u niesankcyjanavanym mierapryjemstvie na vulicy Hlebki ŭ Minsku, i, uciakajučy ad supracoŭnikaŭ AMAPa, raspyliŭ hazavy piarcovy bałončyk (č. 2 art. 363 KK).
Paciarpieły praparščyk Siarhiej Siarhiejeŭ atrymaŭ tady chimičny apiok abodvuch vačej. Siamja Čarvinskaha pieraviała jamu 1 500 rubloŭ za maralnuju škodu jašče da vyniasieńnia prysudu.
Sudździa Andrej Mlečka 24 listapada 2020 hoda pryznačyŭ Čarvinskamu 2,6 hoda kałonii. Termin chłopiec adbyvaŭ u viciebskaj kałonii № 3.
Viadoma, što pry zatrymańni jaho mocna źbili: byli zafiksavanyja čerapna-mazhavaja traŭma i ślady źbićcia na tvary.
