Znajści
Ałharytmičny łacinski varyjant
18.01.2023 / 19:18RusŁacBieł

Piać łakalnych biełaruskich brendaŭ adzieńnia, pra jakija vy mahli nie viedać. A darma

Za apošni čas u Biełarusi źjaviłasia dastatkova šmat łakalnych brendaŭ adzieńnia. CityDog zrabiŭ padborku tych, čyje rečy, na jaho dumku, pa jakaści i dyzajnie nie sastupajuć papularnym jeŭrapiejskim markam.

Left hand made clothes — lon, adkrytyja śpiny i zaviazki

Kali Viktoryja, dyzajnierka prajekta, pačynała šyć, to nakont materyjałaŭ navat nie dumała. Jana adrazu viedała, čto heta budzie lon: stylovy i praktyčny.

— Ilnu pasujuć składki, aviersajz, jon fajna hulaje na vietry, pryjemny dla skury. Takija sukienki nahadvajuć mnie pra leta, kali možna zasnuć u adnoj ź ich na śviežym pavietry, i nie važna, što jana pamniecca. Lon i tak miaty i abjomny, tamu ty vyhladaješ krychu raschrystanaj, chulihanskaj i nie kłapocišsia pra toje, što apranuć, — raskazvaje dyzajnierka.

Pa słovach Viktoryi, jaje lubimaja častka cieła — śpina. Tamu ŭ kožnym elemiencie harderobu jana choča akcentavać na joj uvahu. Jak raskazvaje dziaŭčyna, možna zrabić sukienku da piat, ale vyraz na śpinie budzie pryciahvać uvahu i zachaplać inšych.

«Jašče adna fiška Left hand made clothes — zaviazki. Kali dobra pradumać ich raźmiaščeńnie na adzieńni, to z adnaho vyrabu atrymajecca čatyry roznyja», — kaža Viktoryja.

Ceny: 70—250 dalaraŭ.

«Tavarny»: spałučeńnie stryt-stajła z hatyčnym stylem i notkami military

Łakalny mahiloŭski stryt-stajł-brend. Pa słovach Jaŭhiena, dyzajniera prajekta, unikalnaść «Tavarnaha» ŭ jaho limitavanaści. Niahledziačy na toje, što mahčymaść stvarać vialikuju kolkaść rečaŭ jość, dyzajnier nie honicca za abjomami.

Ciapier kalekcyja ŭjaŭlaje 7 adzinak adnoj rečy, jakija vyrablajucca indyvidualna i majuć svoj paradkavy numar. «Kapsuły» (tak nazyvajucca ŭsie kalekcyi brenda) vychodziać biez pryviazki da niejkaha času ci siezonu.

— My pretendujem na status brenda, jaki ŭ budučyni možna budzie nazyvać «biełaruskim luksam», — raskazvaje Jaŭhien.

Košt: pačynajecca ad 80 rub. za bazavyja elemienty i da 300 rub. za vierchniaje adzieńnie.

sum_sumus_mus: ja najmacniejšaja myš

Pra svoj brend Hanna, dyzajnierka prajekta, piša jak pra maleńkuju tekstylnuju łabaratoryju. Jana stvaraje sukienki ź nieadbielenych bavoŭny i lonu. A jaje vyraby adroźnivajucca łakaničnaściu i manachromam.

— Ja rablu akcent nie na trendy i raznastajnaść fasonaŭ, a na techniku vykanańnia. Pa-mojmu, heta bolš niezaležny kryteryj u acency vyrabaŭ. Sumsumusmus — heta svaboda chacieć čahości nasamreč.

Nazva brenda — heta palindrom (słova abo słovazłučeńnie, jakoje možna pračytać źleva naprava i sprava naleva), jaki ŭ pierakładzie z łatyni aznačaje «ja najmacniejšaja myš». Pa słovach Hanny, z adnaho boku, heta hulnia sa słovami i sensami, z druhoha — pryniaćcie vykliku rabić u žyćci toje, što padabajecca.

Košt: zaležyć ad kankretnaj rečy. Sukienki možna kupić ad 100 dalaraŭ (abo ad 250 rub.), błuzy ad 60 dalaraŭ (ad 165 rub.), kaŭnieryki kaštujuć kala 15—20 dalaraŭ (ad 35 rub.).

UGAR-RAI: kab paściabacca

Stvaralniki raskazvajuć, što brend prydumali, kab paśmiajacca. Tamu kantent, jaki vykładajuć dyzajniery, nie treba ŭsprymać surjozna, heta ŭsio adzin vialiki žart. Francuzskaja mova, jakaja vykarystoŭvajecca ŭ rečach UGAR-RAI, była vybranaja z toj ža metaj: jaje mała chto razumieje, i možna pisać što zaŭhodna, raskazvaje dyzajnier prajekta.

Kožny drop pryśviečany prostaj i vuzkaj temie. Naprykład, pieršy — ludziam, pryrodzie i adpačynku, druhi — japonskim sumaistam, treci — nadychodziačaj staraści i h. d. Za hod vyjšła dadatkova niekalki asobnych rečaŭ u kałabaracyi ź inšymi brendami, miescami ci mastakami.

Košt rečaŭ: futbołki kala 70—100 rubloŭ, chudzi 80—160 rubloŭ, aksiesuary 50—100 rubloŭ.

Peng0256.png: vierniem brutalnyja 1990-ja

Stryt-stajł-brend z Mahilova. Dyzajniery śpiecyjalizujucca na chudzi i futbołkach. A styl ich pryntoŭ — jak oda niefarmałam z 1990-ch.

Košt: u siarednim futbołka kaštuje 60 rubloŭ, chudzi — kala 150 rubloŭ.

 Čytajcie taksama:

Kaśmietyčka aktrysy teatra i kino: idealnaja čyrvonaja pamada, univiersalnaje rašeńnie dla biełaśniežak i maska-antypachmielin

Heta prakrastynacyja, lanota ci depresija? Jak zrazumieć, čamu vy nie chočacie pracavać, usio adkładajecie i ŭsio valicca z ruk

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031