Prezident Sierbii: Dla nas Krym — heta Ukraina, i Danbas — heta Ukraina
Prezident Sierbii Alaksandr Vučyč u intervju ahienctvu Bloomberg adchiliŭ terytaryjalnyja pretenzii Uładzimira Pucina da Ukrainy i pradkazaŭ, što «horšaje jašče napieradzie», bo abodva baki akapalisia.
Niahledziačy na toje, što Sierbija praciahvaje vystupać suprać uviadzieńnia sankcyj suprać Rasii, pa słovach Vučyča, jon užo daŭno nie razmaŭlaŭ sa svaim rasijskim kaleham. Choć raniej kantaktavaŭ ź im časta.
«My z samaha pačatku kazali, što nie ŭ stanie i nie zmožam padtrymlivać uvarvańnie Rasii va Ukrainu. Dla nas Krym — heta Ukraina. Danbas — heta Ukraina. Tak i zastaniecca», — vyrazna zajaviŭ sierbski lidar.
Raniej sierbski prezident sprabavaŭ uvieś čas łaviravać, utrymlivajučy dobryja adnosiny i z Kramlom, i z Zachadam. Pry hetym jon nieadnarazova publična skardziŭsia, što Jeŭrasajuz ciśnie na jaho, kab jon zaniaŭ bolš vyraznuju pazicyju.
Jak i inšyja bałkanskija susiedzi, Sierbija źjaŭlajecca kandydatkaj na ŭstupleńnie ŭ Jeŭrasajuz, i mahčymaść straty hetaha statusa — adzin z arhumientaŭ Zachadu ŭ razmovach ź sierbskim kiraŭnictvam.
Čytajcie taksama:
Prezident Sierbii zaklikaŭ Rasiju spynić viarboŭku sierbaŭ u «Vahnier»
Sierbija admoviłasia pastaŭlać tavary ŭ Rasiju ŭ abychod sankcyj
