Znajści
Ałharytmičny łacinski varyjant
18.01.2023 / 21:311RusŁacBieł

Navukoŭcy raskazali, jaki mužčynski ciełaskład padabajecca žančynam

U pačatku XX stahodździa samymi seksualnymi mužčynami ličylisia tyja, u jakich jość nievialiki žyvocik i jakija nie vyłučajucca atletyčnym ciełaskładam. Ciapier u žančyn inšyja kryteryi acenki mužčynskaj pryhažości. Kab adpaviadać im, štości mužčyna moža źmianić, a štości dadziena ad rodu i nam niepaduładna.

Fota: pixabay.com

Mnohija mužčyny dumajuć, što buduć bolš padabacca žančynam, kali nakačajuć hrudnyja muskuły i bicepsy. Adnak heta moža nie spracavać, kali mužčyna nievysokaha rostu, papiaredžvaje Daily Mail.

Ekśpierty ličać, što čym bolšy pakazčyk suadnosin akružnaści plačej da achopu talii, tym mužčyna bolš pryvabny. Ale, miarkujuć jany, nievysokija mužčyny, navat kali nakačajucca, usio adno nie zmohuć źmianić staŭleńnie da siabie z boku žančyn. 

Ekśpierymient, što dazvoliŭ zrabić takija vysnovy, praviali navukoŭcy z Univiersiteta Brytanskaj Kałumbii (Kanada), a adpaviednaja publikacyja vyjšła ŭ vydańni Archives of Sexual Behavior.

Kab vyśvietlić, jak rost i suadnosiny plačej i talii ŭpłyvajuć na pryvabnaść, vučonyja apytali 659 hieteraseksualnych amierykanak va ŭzroście ad 18 da 83 hadoŭ. Žančynam prademanstravali vyjavy mužčyn rostam ad 160 da 190 santymietraŭ z roznymi suadnosinami akružnaściaŭ plačej i talii.

U vyniku respandentki paličyli bolš pryvabnymi fihury mužčyn, jakija byli bolšaha rostu i mieli bolš šyroki plečavy pojas u paraŭnańni z talijaj. Jašče lepš, kali dva hetyja paramietry prysutničali adnačasova. Kali ž mužčyna mieŭ šyrokija plečy, ale byŭ nievysoki, to plečy nie rabili jaho bolš seksualnym.

Vyniki daśledavańnia paćviardžajuć papularnaje mierkavańnie, što rost — važny faktar, z dapamohaj jakoha žančyny vybirajuć sabie partniora, a mužčyny sprabujuć pryvabić žančynu. Heta prykład pałavoha dymarfizmu, jaki zaklučajecca ŭ anatamičnych adroźnieńniach pradstaŭnikoŭ roznaha połu adnaho i taho ž bijałahičnaha vidu. Naprykład, samcy paŭlinaŭ zvyčajna majuć jarkuju afarboŭku i pryhožyja chvasty, u toj čas jak samki paŭlinaŭ pieravažna vyhladajuć bolš ścipła.

Adnak ad žyvioł ludzi adroźnivajucca tym, što im važnyja i sacyjalnyja, i intelektualnyja charaktarystyki partniora. Razumnyja i viasiołyja mužčyny pieravažvajuć u vačach mnohich žančyn svaich kankurentaŭ ź lepšymi fizičnymi paramietrami, ale nie takich razumnych i daścipnych.

Mužčyny-biełarusy nazvali čatyry pamyłki žančyn, jakija paralizujuć ich u łožku

Dzicia ŭbačyła seks baćkoŭ: heta narmalna?

Ci moža zvyčajnaja razynka pierazahruzić vaša seksualnaje žyćcio?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
5
Rusłan/adkazać/
19.01.2023
Žienŝiny, kotoryje "poprobovali" korienastych mužčin s širokimi plečami, nie sohłasiatsia s vyvodom dannoho isśledovanija :)))
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera