Cichanoŭskaj prapanavali pryjechać u Biełaruś, kab aznajomicca z materyjałami spravy
Pres-słužba Minskaha haradskoha suda adkazała na prośbu Śviatłany Cichanoŭskaj dać joj mahčymaść aznajomicca z materyjałami kryminalnaj spravy, pa jakoj ciapier u Minsku suprać jaje pravodzicca zavočny sud.
«Minskim haradskim sudom razhledžana chadajnictva Cichanoŭskaj S. H. ad 11 studzienia 2023 hoda ab nadańni mahčymaści aznajamleńnia z materyjałami kryminalnaj spravy. Pa vynikach razhladu joj rastłumačana, što realizavać prava, praduhledžanaje art. 285 KPK, i aznajomicca z materyjałami kryminalnaj spravy mahčyma ŭ pamiaškańni Minskaha haradskoha suda pa adrasie: h. Minsk, vuł. Dunina-Marcinkieviča, 1/3, kab. 313 z 09:00 da 13:00, z 14:00 da 18:00 (paniadziełak—piatnica)», havorycca ŭ paviedamleńni.
U aŭtorak pačaŭsia zavočny sud pa kryminalnaj spravie ŭ dačynieńni da Śviatłany Cichanoŭskaj, Paŭła Łatuški, Maryi Maroz, Volhi Kavalkovaj i Siarhieja Dyleŭskaha. Usie abvinavačanyja na hety momant znachodziacca za miežami Biełarusi.
Čytajcie taksama:
Cichanoŭskaja raskazała, jak joj pryznačyli advakata
U Minsku pačynajecca zavočny sud nad Cichanoŭskaj, Łatuškam i inšymi členami Kaardynacyjnaj rady
