U Rasii Janukoviču, Miedźviedčuku i Azaravu prapanavali stvaryć urad Ukrainy ŭ vyhnańni
Były premjer Ukrainy Mikałaj Azaraŭ, prarasijski palityk Viktar Miedźviadčuk i źbiehły prezident Ukrainy Viktar Janukovič pavinny stvaryć «urad u vyhnańni». Pra heta ŭ razmovie z ura.ru zajaviŭ člen-karespandent Akademii vajskovych navuk Rasii Uładzimir Kozin.
Mikałaj Azaraŭ i Viktar Janukovič. Fota: «Ukrainskaja praŭda»
«Mikałaj Azaraŭ, Viktar Miedźviadčuk i Viktar Janukovič pavinny sfarmavać urad u vyhnańni sa svaich hramadzian, a nie z hramadzian Rasijskaj Fiederacyi. Ukraina, choć i viadzie kambinavanuju ŭkrainska-nataŭskuju ahresiju suprać nas, jana suvierennaja kraina. U jaje jość svoj prezident, svaja sudovaja sistema i hetak dalej. Rašeńnie sa stvareńniem takoha ŭrada vidavočna zaciahnułasia, ale lepš pozna, čym nikoli», — skazaŭ Uładzimir Kozin.
Nahadajem, što Janukovič źbieh z Ukrainy ŭ lutym 2014 hoda ŭ vyniku pieramohi Revalucyi hodnaści. Azaraŭ pakinuŭ Ukrainu ŭ studzieni 2014 hoda paśla svajoj adstaŭki.
