Śpiecsłužby znoŭ pasprabavali dyskredytavać Sachaščyka. Ale prakałolisia ŭ detalach
Śpiecsłužby Łukašenki rassyłajuć pa redakcyjach novuju «šakujučuju infarmacyju»: Sachaščyk braŭ na rabotu ŭ Ofis Taćcianu Zareckuju, bo pra heta jaho paprasiŭ jaje baćka — «daŭni siabar padpałkoŭnika». Ale tavaryšy majory sami nie razabralisia ŭ tym, što ŭkidvajuć.
Pasiadžeńnie Abjadnanaha pierachodnaha kabinieta. Fota: Ofis Śviatłany Cichanoŭskaj
«Jość cikavaja infarmacyja, jak Sachaščyk źviazany z Zareckaj» — tak pačynajecca list u redakcyju «Našaj Nivy».
«Taćciana Zareckaja, były ministr finansaŭ pierachodnaha kabinieta, dačka daŭniaha siabra Valeryja Sachaščyka — Zareckaha Aleha Markaviča», — infarmujuć śpiecsłužbisty.
Abhruntoŭvajuć jany heta isnavańniem patenta na adzin sa sposabaŭ pryhatavańnia hazabietonu, u aŭtarach jakoha — i Valeryj Sachaščyk, i niechta Aleh Markavič Zarecki.
«U 2016-m Aleh Zarecki pierajechaŭ na PMŽ u Estoniju i staŭ sa svajoj dačkoj Taćcianaj suzasnavalnikam kampanii Laava Tech.
A z prychodam Sachaščyka ŭ kabiniet Cichanoŭskaj Aleh Zarecki paprasiŭ svajho staroha siabra prystroić dačku. Takim čynam Zareckaja stała prateže Sachaščyka. Kumaŭstvo dla Valeryja — heta ŭ paradku rečaŭ», — robiać vysnovu tavaryšy majory i prymacoŭvajuć fotadokaz.
Hety ŭkid pakazvaje, jak kanstrujujuć fejki biełaruskija śpiecsłužby.
Adnak «Naša Niva» lohka vyjaviła, što Zarecki z patenta Sachaščyka i Zarecki, jaki baćka Zareckaj, heta roznyja ludzi. U ich navat roznaje imia pa baćku.
Aleh Markavič Zarecki — rasijanin, jaki niekali vučyŭsia razam z Sachaščykam, u jaho nikoli nie było dački, i jon ciapier žyvie ŭ Emiratach.
Tak vyhladaje Aleh Markavič Zarecki, jakoha łukašysty pryznačyli baćkam Taćciany Zareckaj
A voś Aleh Uładzimiravič Zarecki, baćka Taćciany, — biełarus, jaki žyvie ŭ Estonii.
Łukašenkaŭskija śpiecsłužby raspačali sproby dyskredytacyi Valeryja Sachaščyka paśla taho, jak jon asudziŭ ahresiju suprać Ukrainy i dałučyŭsia da Abjadnanaha pierachodnaha kabinieta Śviatłany Cichanoŭskaj.
Chto taki Valeryj Sachaščyk, jaki ŭznačaliŭ siłavy błok u kabiniecie Cichanoŭskaj
Sachaščyk raskazaŭ pra svajo znajomstva z Załužnym, kolišniaje pryjacielstva z Valfovičam i stan biełaruskaj armii
Novaja fihura na biełaruskaj palityčnaj arbicie. Chto taki Valeryj Sachaščyk? VIDEA
Z akaŭnta, jaki dasłaŭ infarmacyju pra «Sachaščyka i Zareckaha», raniej rassyłali roznaha rodu pikantnuju infarmacyju, jakaja nie paćviardžałasia, pra lidaraŭ demakratyčnaha ruchu.
Čytajcie taksama: Paśpiachovaja startapierka ci baranesa Miunchhaŭzien? Jak Taćciana Zareckaja trapiła ŭ Abjadnany kabiniet i čamu jana jaho pakinuła
jakija usie krasaucy na fota
adnaznačna - heta ka
manda )