Nie vykidajcie šałupińnie ad časnaku! Voś dla čaho jano moža prydacca
Akazvajecca, što nie tolki skurki ad bananaŭ možna skarystać u haspadarcy. Šałupińniu ad časnaku taksama možna znajści ŭžytak.
Fota: pixabay.com
Časnok maje charakterny pach, jaki padabajecca nie ŭsim. Ale nielha admaŭlać taho, što, kali dadavać jaho ŭ stravy, smak źmienicca da lepšaha. Časnok taksama karysny tym, što ŭzmacniaje imunitet, — tolki jaho dadajuć u kiefir, sup, sałaty ci masła, kab nie papiačy ślizistaj.
Ale karysny nie tolki sam časnok — šałupińnie jaho taksama moža časam prydacca. Nie vykidajcie jaho, i vaš sad vam padziakuje, tym bolš što za zimu jakraz možna jaho naźbirać šmat.
Z časnočnaha šałupińnia možna zrabić srodak, jaki abaronić morkvu ad hrybkoŭ i moli. Kab zrabić nastoj, možacie vykarystoŭvać nie tolki šałupińnie, ale i karani, i ściobły, i sukviećci časnaku. Prosta pakładzicie ŭsio heta ŭ posud, zalicie vadoj i pakińcie ŭ ciomnym miescy prykładna na tydzień. Kali zaŭvažycie, što ŭ sumiesi źjaŭlajucca burbałki, pieramiašajcie jaje i znoŭ adstaŭcie ŭbok, pakul burbałki nie źjaviacca znoŭ. Kali heta zdaryłasia, nastoj možna vykarystoŭvać.
Kałaradski žuk — vielmi častaja pryčyna źniščeńnia bulbianych nasadžeńniaŭ. I sam žuk, i jaho ličynki zvyčajna nanosiać vializnyja straty budučamu ŭradžaju, tamu važna pakłapacicca pra svaje pasievy, i časnočnaje šałupińnie moža ŭ hetym dapamahčy. Zalicie jaho vadoj (na 10 litraŭ vady treba 200 hramaŭ šałupińnia) i pakińcie na sutki. Apryskvajcie hatovym nastojem bulbu adzin raz na tydzień ranicaj i ŭviečary.
Časnočnaje šałupińnie taksama dapamoža ŭ baraćbie z tloj i pavucinavym klaščom, jakija mohuć časam atakavać vašy raśliny. Kab zhatavać nastoj, možna dadać da jaho i šałupińnie ad cybuli. Zalicie ich ciopłaj vadoj i pakińcie na 5 dzion, potym pracadzicie nastoj. Pieralicie hatovuju sumieś u pulvieryzatar i apryskvajcie raśliny čatyry razy na tydzień, pakul z raślin nie źniknuć usie niepažadanyja hości.
Recept na vychadnyja. Časnočnaja kuračka z syram: novy smak
Jak padtrymać imunitet i zastrachavacca ad prastudy? Voś niekalki receptaŭ
Recept na vychadnyja. Bulba ź biekonam i miodam — lohkaja, sytnaja i takaja pryhožaja
inšaja sprava, što - a dzie ciapier znajści narmalny časnyk?
a nie kitajski chimičny