Adbyłasia sustreča arcybiskupa Ëziča i ministra Alejnika
16 studzienia ministr zamiežnych spraŭ Biełarusi Siarhiej Alejnik sustreŭsia z apostalskim nuncyjem arcybiskupam Ante Jozičam. Paviedamlajecca, što baki abmierkavali situacyju ŭ rehijonie i paćvierdzili hatoŭnaść da praciahu supracoŭnictva.
«Baki abmierkavali aktualnyja pytańni ŭzajemadziejańnia pamiž Respublikaj Biełaruś i Śviatym Pasadam. Adbyŭsia abmien mierkavańniami ŭ dačynieńni da situacyi ŭ rehijonie. U chodzie hutarki było paćvierdžana imknieńnie da praciahu aktyŭnaha supracoŭnictva ŭ roznych śfierach i adkrytaha pavažlivaha dyjałohu pa pytańniach uzajemnaj cikavaści», — łakanična paviedamlaje MZS.
Letaś u listapadzie Jozič sustreŭsia ź ministram zamiežnych spraŭ Uładzimiram Makiejem, heta była adna z apošnich sustreč Makieja pierad jahonaj niečakanaj śmierciu. Paśla taho ŭ śniežni Jozič zajaŭlaŭ, što Minsk moh by stać placoŭkaj dla pieramovaŭ ab Ukrainie pry pasiarednictvie Vatykana.
Čytajcie taksama:
Nuncyj Jozič: Niahledziačy na ciažkaści, adnosiny Biełarusi i Vatykana praciahvajuć raźvivacca
