Valeryi Čarnamorcavaj prysudzili «chatniuju chimiju»
U Savieckim sudzie Minska asudzili palitźniavolenuju ekskursavodku Valeryju Čarnamorcavu pavodle č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich), piša «Viasna».
Sudździa Volha Jemialjančanka pryznačyła Valeryi dva z pałovaj hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Valeryja — aktyvistka Biełaruskaj chryścijanskaj demakratyi, ekskursavodka. Siarod inšaha jana spryčyniłasia da stvareńnia Virtualnaha muzieja savieckich represij u Biełarusi.
Valeryju zatrymali 18 kastryčnika 2022 hoda ŭ Minsku paśla pieratrusu ŭ kvatery. Spačatku jaje aryštavali na 10 sutak, paśla pieraviali ŭ SIZA-1 i zaviali kryminalnuju spravu.
Čytajcie taksama:
Palitźniavolenaja Valeryja Čarnamorcava: Hanarova siadzieć tam, dzie siadzieŭ Jakub Kołas
