Vystavili na prodaž stary młyn pad Maładziečnam
Čatyrochuzroŭnievy budynak vadzianoha młyna ŭ vioscy Haradok Maładziečanskaha rajona, pabudavanaha prykładna 120 hadoŭ tamu, vystaŭleny ŭładalnikam na prodaž, piša Realt.by.
Młyn znachodzicca za 42 km ad Minska, niedaloka ad raki Zachodniaja Biarezina, i, jak śćviardžajecca ŭ abjavie,
«vydatna padychodzić dla raźmiaščeńnia kaviarni, restarana, mini-haścinicy. Pabudavany pa zamovie hrafa Tyškieviča (jość vypiski z archiva). Patrabuje ramontu. Nie źjaŭlajecca pomnikam architektury».
Raniej młyn užo sprabavali pradać za 55 tys. dalaraŭ, ale ciapier jon padaražeŭ: u novaj abjavie abjekt acenieny ŭžo ŭ 65 tys. dalaraŭ. Praŭda, kab adrestaŭravać 655 kvadratnych mietraŭ, pryjdziecca značna ŭkłaścisia. Unutry jość elektryčnaść, chałodnaje vodazabieśpiačeńnie.
Dataj pabudovy młyna paznačany 1905 hod, choć, pa inšych źviestkach, jon moh być pabudavany i raniej, u XIX stahodździ.
U 2008 hodzie ŭžo rabiłasia sproba rekanstrukcyi budynka, jaho zakansiervavali. Pryvatnyja inviestary płanavali pieraabstalavać młyn u kaviarniu i haścinicu, ale ŭ rešcie rešt prajekt tak i nie realizavali.