Ałharytmičny łacinski varyjant
Recept na vychadnyja. Chlebny pudynh ź jabłykami — aryhinalny i ekanomny
Čerstvy chleb nie vykidajcie. Kali nie lubicie razmočvać jaho ŭ kavie z małakom, zrabicie ź jaho smačny pudynh, jak anhličanie robiać. Pudynh ź jabłykami i razynkami nie horšy za zvykły jabłyčny piroh.
Fota: BBC Food
Kab zrabić chlebny pudynh ź jabłykami, vam spatrebicca:
- 75 hramaŭ razynak
- 100 mililitraŭ chałodnaha čaju
- 3 jabłyki ci hrušy (abo dva jabłyki i adna hruša)
- troški limonnaha soku
- 400 mililitraŭ małaka
- 125 hramaŭ masła + troški jašče dla zmazvańnia formy
- 3 jajki
- 120 hramaŭ cukru (lepš brać karyčnievy)
- 2 čajnyja łyžki karycy
- 1 čajnaja łyžka sušanaha muskatnaha arechu
- 1 čajnaja łyžka vanilnaha ekstraktu
- pałova vialikaha bochana chleba
- marožanaje, zavarny krem ci śmiatana dla padačy
- Pakładzicie razynki ŭ nievialikuju misku, zalicie ich čajem i pakińcie zamočvacca.
- Abłupicie sadavinu, vyražcie siaredzinki, narežcie na dolki i pakładzicie ŭ misku z vadoj i niekalkimi kroplami vycisnutaha limonnaha soku.
- Vyšmarujcie masłam formu dla zapiakańnia i razahrejcie duchoŭku da 200 hradusaŭ.
- Pavolna razahrejcie małako ŭ kastruli, potym dadajcie masła i dajcie jamu rastać. Adstaŭcie kastrulu z hetaj sumieśsiu ŭbok, kab małako i masła krychu astyli, ale pry hetym zastavalisia ciopłyja.
- Pakładzicie ŭ misku jajki, 100 hramaŭ cukru, karycu, muskatny arech i vanil. Uźbicie ich vienčykam ci miksieram, pakul sumieś dobra nie pieramiašajecca. Dadajcie małako z masłam, znoŭ uźbicie.
- Razarvicie chleb na kavałki i vykładzicie ich u pašmaravanuju masłam formu dla zapiakańnia. Vy možacie brać chleb sa skarynkaj abo bieź jaje — na vaš hust. Adcadzicie razynki i rassypcie ich pa chlebie, a potym pakładzicie źvierchu narezanuju sadavinu. Ulicie jaječnaje ciesta i pasypcie reštaj cukru.
- Vypiakajcie 30 chvilin abo pakul pudynh nie zastynie i na im nie źjavicca załacistaja skarynačka.
- Padavajcie pudynh z marožanym, zavarnym kremam ci śmiatanaj.
Recept na vychadnyja. Pudynh Jevy — 200-hadovaja brytanskaja strava
Chočacie zachoŭvać jabłyki doma? Voś jak heta rabić, kab jany nie zhnili
Recept na vychadnyja. Rysavy piroh z apielsinam — prosta i sytna
«Nie raźličvała, što ŭ hetaj chacie zmahu znajści niešta z 500-hadovaj historyjaj». Biełaruska adšukała na leciščy dziŭny kamień
4
«Pamiž adpačynkam u Turcyi i pachodam na katamaranie pa Jasieldzie vybiraju druhoje». Brescki pradprymalnik raskazaŭ pra pieravahi adpačynku na radzimie
2
U Mali raźbiŭsia mahčyma biełaruski samalot, u jakim mahli być vahnieraŭcy. Raskazvajem, što viadoma na hety momant
9
Kab skarystacca kalendarom, kali łaska, aktyvujcie JavaScript u naładach svajho braŭziera
jany takija maleńkija čornieńkija kučaravieńkija kruhleńkija?
jak z čerstvaha čornaha chleba kałabok?
"tonki anhielski humar" nakont čornaha kałabka hł.
na Priemjer-ministr Sojedinionnoho korolevstva Vielikobritanii i Sieviernoj Irłandii