Znajści
Ałharytmičny łacinski varyjant
08.01.2023 / 23:117RusŁacBieł

«Ekanomika Biełarusi ŭ zastoi z 2014-ha hoda. Sankcyi tut ni pry čym». Ekanamičnaja kamanda Cichanoŭskaj adkazała ministru ekanomiki

U piatnicu, 6 studzienia, ministr ekanomiki znajšoŭ pazityŭ u roście naminalnaha vałavoha ŭnutranaha praduktu (VUP) u biahučych cenach u dalaravym ekvivalencie: «Za 11 miesiacaŭ 2022 hoda temp rostu VUP skłaŭ bolš za 107 pracentaŭ i dasiahnuŭ 62 miljardaŭ dalaraŭ». Ekanamičnaja kamanda Ofisa Cichanoŭskaj patłumačyła, u čym tut manipulacyja. Prapanujem vašaj uvazie artykuł, jaki jany dasłali «Našaj Nivie».

AP Photo / Sergei Grits

U śviecie VUP nie paraŭnoŭvajuć hod da hoda ŭ biahučych cenach, bo heta nie ŭličvaje inflacyju, a tamu nie maje nijakaha sensu.

Što da dynamiki naminalnaha VUP u dalaravym ekvivalencie, na jaje ŭpłyvajuć:

1) dynamika naminalnaha VUP u rublovym ekvivalecie (jaki ŭ 2022 hodzie vyras praz vysoki rost cen, chacia fizičny abjom VUP za 11 miesiacaŭ skaraciŭsia na 4,7%),

2) kurs biełaruskaha rubla da dalara (rubiel u 2022 hodzie abiasceniŭsia na 3%).

Voś i atrymlivajecca, što ceny ŭ Biełarusi vyraśli nastolki, što, niahledziačy na padzieńnie fizičnaha abjomu i abiasceńvańnie biełaruskaha rubla da dalara, naminalnaja vartaść VUP… vyrasła.

Ale navat u vypadku pakazčyka, jaki manipulatyŭna vybraŭ ministr ekanomiki dla acenki stanu ekanomiki ŭ 2022 hodzie, situacyja vyhladaje nie na jaho karyść. Kali b ministr byŭ ščyrym, to jon by nie zabyŭsia pra toje, što na piku VUP Biełarusi składaŭ 79 młrd dalaraŭ — u 2014 hodzie. Atrymlivajecca, što paśla vaśmi hadoŭ mudraha kiravańnia, u 2022-m jon byŭ prykładna na 8% mienšy (pavodle danych Nacbanka, za 12-miesiačny pieryjad z kastryčnika 2021-ha da vieraśnia 2022-ha).

A ministr ekanomiki moh by i ŭzhadać, što pad kaniec 2018-ha dyktatar staviŭ svajmu ŭradu zadaču naraścić VUP da 100 młrd dalaraŭ u 2025-m…

Nasamreč, naminalny VUP u dalaravym ekvivalencie słužyć dla paraŭnańnia pamieraŭ roznych ekanomik u adnym i tym ža časie, a dla paraŭnańnia rosta ekanomiki ŭ časie vykarystoŭvajecca rost realnaha VUP (inšymi słovami, fizičnaha vypusku abo VUP u pastajannych cenach).

Davajcie raźbiracca, jak nasamreč vyhladajuć spravy.

Z 2014 hoda Biełaruś pieražyła try recesii (u 2015—2016 hadach, 2020 i 2022 hadach). U vyniku VUP Biełarusi u pastajannych cenach ŭ 2022 hodzie byŭ na 3% mienšy, čym u 2014-m. Moža, tamu ŭ režymu ŭsio nijak nie atrymlivajecca pavialičyć zarobki i dabrabyt biełarusaŭ?

Kali ž ministru tak padabajecca aceńvać pamiery ekanomik u dalaravym ekvivalencie, to ci nie soramna jamu, što ekanomika Biełarusi maje siońnia taki ž pamier, jak i ekanomika Litvy, dzie žyvie ŭ try razy mienš ludziej? I ŭ dziesiać razoŭ mienšaja za ekanomiku Polščy?

Dla ŭsich było b lepš, kali b ministr havaryŭ praŭdu, što Biełaruś užo šmat hadoŭ znachodzicca ŭ stahnacyi. I hety zastoj pačaŭsia zadoŭha da pratestaŭ 2020-ha, siektaralnych sankcyj 2021-ha i vajny 2022-ha. Mo tady b i rašeńni ŭ ekanomicy prymalisia na karyść biełarusaŭ, a nie dziela padmanu i dalejšaha zakručvańnia hajek u palityčnych metach.

Ekanamičnaja kamanda Ofisa Cichanoŭskaj

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Miaśnikovič/adkazać/
09.01.2023
Jura Sielivierstov nie silen v cifrach. Čto napisali, to i pročitał.
0
Ups/adkazać/
09.01.2023
Morž, kaniečnie! Vaš ža premjer Hałoŭčanka kazaŭ, što sankcyi tolki spryjajuć rostu ekanomicy. Tak što možna nie kanić z padstavy ich isnavańnia.
2
Mocnyja ekanamisty štaba/adkazać/
09.01.2023
A chto tam ŭ štabie pa ekanomicy? I jakaja ŭ ich prahrama?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera