Znajści
Ałharytmičny łacinski varyjant
07.01.2023 / 15:061RusŁacBieł

Džej Ło, Metallica, Depeche Mode. Samyja čakanyja albomy 2023 hoda

U novym hodzie ceły šerah suśvietna viadomych muzykaŭ abiacaje paradavać fanaŭ novymi albomami. Raspaviadajem pra relizy na luby hust, dzie jość miesca viartańniu paśla doŭhaha maŭčańnia, praciahu albomnych sieryjałaŭ i «kambeku» zornych vieteranaŭ.

Dženifier Łopies. This is Me… Now

Ciaham dzieviaci hadoŭ karaleva dyska dy łaciny nie bałavała prychilnikaŭ novym materyjałam. Adnak kachańnie da Biena Afleka, jakoje, narešcie, skončyłasia šlubam, natchniła śpiavačku na tvorčaść. Albom, pa słovach Łopies, raspaviadzie pra nadzieju, vieru dy luboŭ, jakija nikoli nie pamirajuć. A razam z tradycyjnymi tancavalnymi rytmami ŭ trek-liście znojdziecca miesca baładam.

Łana Del Rej. Didyouknowthatthere'satunnelunderOceanBlvd

Dziaviaty albom u dyskahrafii śpiavačka nazyvaje dziońnikam, bo kožnaja ź piesień hruntujecca na historyi ź jaje pryvatnaha žyćcia. Pakul Del Rej raspaviała tolki adnu ź ich praź sinhł. Adnak da relizu mahło ŭciačy ŭ sieciva kudy bolej: uvosień złačyncy skrali z mašyny Łany noŭtbuk, dzie taja zachoŭvała demki zapisaŭ. Na ščaście, «piraty» z nastrojkami pryvatnaści nie zładzili — i reliz alboma adbudziecca pa płanie, u sakaviku 2023-ha.

P!nk. TRUSTFALL

Pieramožca premii «Hremi» ciaham čatyroch hadoŭ nie vydavała poŭnafarmatnych albomaŭ. I voś u lutym jana znoŭ abiacaje prymusić uvieś śviet tancavać pad roka-papsovyja chity. Da čaho budzie padobny albom namiakaje trek Never Gonna Not Dance Again. Adnak P!nk zvyčajna paźbiahaje banalnaściej dy adnatypnaściej, tamu «načynka» moža istotna kantrastavać ź sinhłam.

Ljuis Kapaldzi. BrokenByDesireToBeHeavenlySent

Šatłandski vykanaŭca pop dy soŭł chitoŭ u 2019-m ź pieśniaj Someone You Loved zamacavaŭsia na viaršyniach chit-paradaŭ ZŠA dy Vialikabrytanii. Adnak paśla vychadu poŭnafarmatnaha alboma Divinely Uninspired to a Hellish Extent raźvić pośpiech nie zdoleŭ. Jak kaža sam Kapaldzi, praź lanotu. Tamu ŭ minułym jon pieranios šerah kancertaŭ, kab skončyć pracu nad druhim albomam. Spadziajomsia, što 2023-ha jamu chopić, kab vydać albom u śviet.

Ed Šyran

Brytaniec kreatyŭny va ŭsim, akramia vybaru nazvaŭ dla albomaŭ. Simvały «+», «x», «÷», «=» bolš nahadvajuć tuhu pa školnych urokach, čym asensavany padychod da najmieńnia albomaŭ. Tym nie mienš mienavita hetyja relizy adhukalisia ŭ sercach słuchačoŭ pa ŭsim śviecie. I jak vynik— pieśnia Shivers u listapadzie 2022-ha dasiahnuła miljarda prasłuchoŭvańniaŭ na servisie Spotify. Tamu publika hatovaja da novaj lekcyi pa matematycy, aby chity ź jaje byli takimi ž kranalnymi, jak i raniej.

Depeche Mode. Memento Mori

Paśla śmierci Endzi Fletčera hurt vyrašyŭ vydać albom pamiaci siabra z udziełam sesijonnych muzykaŭ — hitarysta, kłavišnika dy bubnača. Reliz stanie pieršym dla «depiešaŭ» za šeść hadoŭ. Ale, miarkujučy pa sinhle Ghosts Again, firmovyja styl dy drajv lehiend na miescy. Dy i ci mahło być inakš, kali vakał Devida Haana ŭsio jašče hipnatyzuje słuchačoŭ, tady jak Marcin Hor usio tak ža admysłova ŭplataje jaho ŭ muzyčnaje pałatno?

Metallica. 72 Seasons

Dynazaŭry ciažkaj sceny vyrašyli viarnucca da treš-mietalnych karanioŭ, tamu ŭziali znajomaha pradziusara Hreha Fidelmana, prapisalisia na ŭłasnym łejble dy zamknulisia ŭ studyi zvykłym składam, kab nidzie nie zbočyć sa šlachu. Nu i, adpaviedna, kab nie patrapić pad vonkavy ŭpłyŭ. Kali ŭziać za kryteryj acenki sinhł Lux Æterna, to atrymałasia hodna — i šaścihadovaja paŭza nie paŭpłyvała na zaŭziataść amierykanskich mietalistaŭ.

A$AP Rocky. Don't Be Dumb

Doŭhi čas repier abiacaŭ prychilnikam novy albom — i ŭsie čakali All $miles, bo abviestki pra jaje ŭkidvali ŭ miedyjaprastoru to sam muzyka, to pradziusary. Adnak minuła ŭžo amal piać hadoŭ, a «ŭśmieški» ŭsio niama i, padajecca, nie budzie. Zatoje vyjdzie Don't Be Dumb — čaćviorty poŭnafarmatny albom, dzie čakajecca mnostva bitaŭ ad Metro Boomin.

Trevis Skot. Utopia

U 2021-m na fiestyvali Astroworld, jaki ładziŭ repier, adbyłasia vielizarnaja ciskanina. Padčas vystupu Skota narod vielmi aktyŭna rušyŭ da sceny, paśla čaho šmat chto z słuchačoŭ zhubiŭ raŭnavahu dy apynuŭsia na padłozie. U vyniku 10 čałaviek zahinuli, bolš za 300 atrymali paškodžańni. Heta surjozna ŭdaryła pa Skotu: niehatyŭ z boku hramadstva razam z sumleńniem, što pačało hryźci repiera, pryviali muzyku ŭ depresiju. Jak vynik, jon na peŭny čas spyniŭ pracu.

Adnak Utopia, jakaja pačała zapisvacca jačše ŭ 2019-m, narešcie pabačyć śviet. Albom atrymajecca niazvykłym, bo akramia bitaŭ Skot dadaŭ tudy psichadeličnaha roka. Da taho ž na zapis alboma atrymali zaprašeńni novyja muzyki, ź jakimi Trevis nie pracavaŭ raniej. «Chaču, kab hučańnie źmianiłasia i rytmičnyja malunki atrymali novaje azdableńnie», — tłumačyŭ padychod repier. Taksama viadoma, što albom zaznaje niekalki fitoŭ: naprykład, da Skota dałučacca Džejms Błejk i Uestsajd Han.

Gorillaz. CrackerIsland

Prajekt prastojvaŭ try hady, adnak Dejman Ałbarn čas ad času vydavaŭ sinhły. Ich kolkaść dy jakaść śćviardžali: zakryvać Gorillaz rana — jany nie vybrali ŭsio chitovaje bahaćcie, što chavajecca ŭ hałavie natchnialnika hurta. Tamu całkam łahična, što ŭ chutkim časie adbudziecca reliz poŭnafarmatnaha alboma z 10 pieśniami. I zaprošanyja hości vabiać zornaściu nie mienš, čym sam fakt novaha alboma.

Godsmack. Lighting Up the Sky

Vośmy i, padajecca, apošni albom rokieraŭ vychodzić paśla vielmi praciahłaj paŭzy — nikoli raniej piać hadoŭ Godsmack nie maŭčali. Adnak hetym razam Sali Erna admoviŭsia ad vyrabu muzyki pad prymusam łejbłaŭ dy dedłajnaŭ i čakaŭ natchnieńnia, kab finalny akord bandy vyjšaŭ źmiastoŭnym dy jakasnym. Nakolki heta ŭ Godsmack atrymałasia, pačujem u lutym. Adnak sinhły atrymalisia hodnym pryznańniem Erna ŭ lubovi i da roka, i da paplečnikaŭ, i da fanaŭ.

Vile Vała. Neon Noir

Frantmien hurta H.I.M. vydaje debiutny albom, jaki nazyvaje saŭndtrekam da bojki-marafonu miž Robiertam Śmitam dy Ozi Ozbarnam. Fin pryncypova adychodzić ad muzyčnych kanonaŭ, jakich prytrymlivaŭsia jaho były kalektyŭ ciaham 25 hadoŭ. I ŭ tym liku z hetaj nahody naŭmysna nie źbiraŭ stały hurt muzykaŭ pad zapis. Dla Vała albom — heta, chutčej, miedytacyja, jakaja raściahnułasia na dva «kavidnyja» hady, čym niejki kanceptualny prajekt. Kudy zaviali Vile pošuki, možna budzie pačuć 13 studzienia.

Džon Frušante. I. II

Hitaryst Red Hot Chili Peppers u solnaj tvorčaści admiežavaŭsia ad rokavych upłyvaŭ, blizkich hurtu, i pajšoŭ inšaj ściažynkaj. Padvojny albom budzie nasyčany elektronščynaj, a sam Frušante charaktaryzuje kantent jak jadnańnie ruchu i spakoju. Viadoma, što «I» vyjdzie na vinile ź siamiu zapisanymi trekami, a «II» atrymaje ŭ ličbavym farmacie bolšuju kolkaść pieśniaŭ. Treki nie buduć dublavacca, bo tvory «II» nie pieranieści na vinił praz składanaść hukavoj palitry.

Frušante pakul nie tłumačyć, ci składajuć «I» i «II» padvojeny albom razam albo stanuć isnavać paasobku — i raźvićcio niekalkich siužetaŭ pojdzie ŭnutry kožnaha alboma. Adnak pry hetym muzyka adznačaje, što pry ŭkładańni alboma pracavaŭ miechanična, a nie chaatyčna. To-bok metanakiravana pierabiraŭ častki piesień, pakul nie atrymlivaŭ sintez niezvyčajnych hukaŭ.

Čytajcie taksama:

Tancavalnaja lichamanka, tyktok-trendy i vajna — TOP-10 muzyčnych albomaŭ hoda pa viersii «Našaj Nivy»

Viartańni, nadziei i straty. 10 hałoŭnych muzyčnych albomaŭ Biełarusi

Slipknot. Amorphis. Epica. Najlepšyja albomy mietalistaŭ u 2022-m

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
1
Ха-ха
0
Ого
0
Сумна
0
Абуральна
2
0
mitolka z arkiestram i biez/adkazać/
07.01.2023
o, Mitolika... Mitolika fareva
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031