Znajści
Ałharytmičny łacinski varyjant
12.12.2022 / 20:48RusŁacBieł

Kryptavaluta dapamahaje abychodzić bankaŭskija sankcyi i inšyja abmiežavańni. Schiema prostaja 

Paśla adklučeńnia šerahu biełaruskich i rasijskich bankaŭ ad SWIFT i ŭviadzieńnia inšych abmiežavańniaŭ raźličvacca za tavary i pasłuhi z zamiežnymi kampanijami stała značna składaniej. Z-za hetaha biznes vymušany bolš aktyŭna vykarystoŭvać dla raźlikaŭ kryptavalutu. «Naša Niva» raźbirałasia, jak heta pracuje.

Ilustracyja: beincrypto.com

Nie ŭsia krypta adnolkava karysnaja dla raźlikaŭ

Sami kryptavaluty dzielacca na dva typy: kłasičnyja i stejbłkojny. Da kłasičnych kryptavalut adnosiacca: Bitcoin, Ethereum (efir) i inšyja.

U jakaści raźlikovych srodkaŭ kłasičnyja kryptavaluty vykarystoŭvać nie zusim zručna, bo dla ich charakternaja vysokaja vałacilnaść. Pa svaich charaktarystykach jany padobnyja na śpiekulatyŭnyja finansavyja aktyvy, jakija mohuć być mocna schilnymi da vahańniaŭ. Ich kurs składana, a časam i zusim niemahčyma pradbačyć.

Vysokaja vałacilnaść i adsutnaść adzinych padychodaŭ u rehulavańni kryptavalut tłumačać, čamu lehalny biznes nie śpiašajecca paŭsiudna pierachodzić na kryptu ŭ raźlikach za tavary i pasłuhi. Choć u mižnarodnaj praktycy isnujuć takija prykłady. Zvyčajnyja kryptavaluty mohuć taksama vykarystoŭvacca dla raźlikaŭ na čornych rynkach, bo takija płaciažy zabiaśpiečvajuć vysoki ŭzrovień ananimnaści. Prynamsi da taho momantu, pakul atrymalnik nie zachoča pieraŭtvaryć svaje kryptaaktyvy ŭ realnyja hrošy.

U cełym ža, kłasičnyja kryptavaluty razhladajucca chutčej jak instrumient dla inviestycyj, a nie raźlikovyja srodki.

U stejbłkojnavych kryptavalut pryznačeńnie inšaje. Na ich kupli i prodažy składana zarablać, bo kurs tokienaŭ pryviazany da jakoj-niebudź nacyjanalnaj valuty, kaštoŭnaha mietału, kaštoŭnych papier i h.d.

Dynamika vahańniaŭ kursa USDT (Tether) adnosna USD. Fota: skrynšot z google

Samym papularnym stejbłkojnam źjaŭlacca Tether (USDT), kurs jakoha pryviazany da dalara ZŠA i vahańni jakoha adnosna fijatnaha dalara znachodziacca ŭ ramkach chibnaści. Pa sutnaści, USDT i inšyja stejbłkoiny, kurs jakich pryviazany da jakoj-niebudź valuty, źjaŭlajucca ich ličbavymi kopijami.

Prostymi słovami, vy spačatku pieravodzicie zvyčajny dalar ZŠA ŭ tokien (jaho ličbavuju viersiju), robicie pieravod ličbavaha dalara, jaki paśla atrymańnia znoŭ možacie pieravieści ŭ fijatnyja hrošy. Pry hetym płacielščyk i atrymalnik zastajucca ŭpeŭnienymi, što suma płaciažu praktyčna nie źmianicca, bo USDT — heta stabilny tokien, kurs jakoha źmianiajecca tolki ŭ ramkach chibnaści. Asnoŭnyja vydatki pry praviadzieńni takich tranzakcyj składajuć kamisija za płaciož i pierakład fijatu ŭ tokien. 

Što tyčycca USDT, to, pavodle spravazdačy kampanii Tether Limited, jaho košt bolš, čym na 80 adsotkaŭ zabiaśpiečvajecca zapasami dalaraŭ ZŠA na bankaŭskich rachunkach abo ich ekvivalenta. 

Dziakujučy stabilnaści kursaŭ, stejbłkojny źjaŭlajucca davoli papularnym srodkam dla raźlikaŭ.

U niejkaj stupieni raźliki z vykarystańniem takich tokienaŭ vystupajuć alternatyvaj bankaŭskim pieravodam. Jany nie padlahajuć sankcyjam, dy i sama tranzakcyja adbyvajecca chutčej, čym pry vykarystańni SWIFT-placiažoŭ. Akramia taho takija raźliki nie patrabujuć rehistracyi ździełki ŭ Nacbanku, kali suma pieravodu pieravyšaje 200 bazavych vieličyń.

Adnak, niahledziačy na rost papularnaści raźlikaŭ z vykarystańniem USDT i inšych stabilnych kryptavalut, pakul jany nie stanoviacca paŭnavartasnymi kankurentami bankaŭskich pieravodaŭ. U pieršuju čarhu heta adbyvajecca za košt taho, što daloka nie ŭsie krainy dazvalajuć svaim jurydyčnym asobam pravodzić raźliki ŭ krypcie. Pa-druhoje, inviestavańnie navat u stejbłkojny niasie ŭ sabie ryzyki. 

Tym nie mienš, kali havorka idzie ab drobnym i siarednim biznesie, raźliki ŭ stejbłkojnavych kryptavalutach praciahvajuć nabirać papularnaść pa miery taho, jak pradaŭcy i kupcy pačynajuć razumieć, što ŭ hetym niama ničoha archiskładanaha.

Fota: QuoteInspector.com/CC BY-ND 4.0

Kupić stejbłkojny možna nie tolki za fijatnyja hrošy, da valuty jakich pryviazany ich kurs, ale i za inšyja valuty, u tym liku biełaruskija i rasijskija rubli.

Što niemałavažna, kuplać ich možna ŭ tym liku z kartak bankaŭ, jakija znachodziacca pad sankcyjami i nie mohuć ažyćciavić SWIFT-pieravody.

Kuplać kryptu možna roznymi sposabami: praź biržy, typu Binance, śpiecyjalnyja servisy typu whitebird, taksama ŭ šerahu krain jość kryptamaty. Mianiać najaŭnyja na kryptu možna ŭ kryptaabmieńnikach albo vykarystoŭvajučy R2R mietad. 

Biznesmieny, jakija raźličvajucca stejbłkojnami, rekamiendujuć nie zachoŭvać nazapašvańni ŭ stabilnych tokienach, a vykarystoŭvać ich vyklučna dla raźlikaŭ. A aktyvy, jaki zachoŭvajucca ŭ krypcie, rajać adrazu vyvodzić ź biržy na svaje kryptakašalki, kab nie stracić ich u vypadku krachu biržy.

Takim čynam, stabilnyja kryptavaluty, dapamahajuć nie tolki abychodzić bankaŭskija sankcyi, ale i inšyja abmiežavańni. Naprykład, ź ich dapamohaj rasiejcam udajecca nabyvać pradmiety raskošy (tavary, daražejšyja za 50 000 tysiač jeŭra). Jany atrymlivajuć mahčymaść pieravieści lubuju sumu ŭ USDT za miažu, dzie pasiaredniki mohuć jaje abnajavić abo pieravieści ŭ bieznajaŭnyja fijatnyja hrošy. Prapłačany takim čynam tavar paźniej afarmlajecca dla ekspartu na Biełaruś, Kazachstan abo inšyja krainy, choć realna kančatkovym pakupnikom zastajecca rasijskaja fizičnaja abo jurydyčnaja asoba.

Biełarusy i rasiejcy aktyŭna vykarystoŭvajuć raźliki ŭ USDT u tym liku i dla zakupak u ZŠA, naprykład, pry nabyćci aŭto. Pastupova raźliki ŭ USDT nabirajuć papularnaść i pry kupli aŭto ŭ Jeŭropie, pakolki časta praściej stracić niekalki adsotkaŭ na abmienie fijatu na tokieny i nazad, čym sprabavać vyvieźci najaŭnuju valutu za miažu, kab pravieści raźlik.

Drobny biznes taksama akazaŭsia zacikaŭlenym u takoha rodu raźlikach, bo šerah krain, naprykład, Litva całkam spynili pryjom płaciažoŭ z RB i RF. Kryptavaluta taksama dapamahaje zachodnim kampanijam i fizičnym asobam raźličvacca za tavary i pasłuhi, vyrablenyja na terytoryi Rasii ci Biełarusi. Raźlik kryptoj pry nieabchodnaści dazvalaje zachoŭvać vysoki ŭzrovień ananimnaści, što dapamahaje biznes-partnioram z krain Zachadu nie być zaśviečanymi ŭ finansavych suviaziach ź Biełaruśsiu i Rasijaj. 

Taksama stabilnaja kryptavaluta dapamahaje šerym biznesoŭcam chutka i ź minimalnymi stratami vyvodzić hrošy ź Biełarusi i Rasii za miažu i tam užo rasparadžacca hetymi srodkami.

Čytajcie taksama: 

Jak nabyvać kryptavaluty — padrabiazny hajd 

Jeŭra ciapier stanie składaniej kupić? Što budzie z kursam? Tłumačyć ekanamist

Biełarusam prapanujuć rabić układy ŭ juaniach. Ci heta vyhadna?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera