Znajści
Ałharytmičny łacinski varyjant
01.12.2022 / 23:232RusŁacBieł

Jakoje słova nikoli nie pramaŭlajuć u Niderłandach, ale ŭsie čakajuć, kali heta možna budzie zrabić. Vielmi miłaja historyja

IT-pradprymalnik, suzasnavalnik i vykanaŭčy dyrektar Fondu biełaruskaj salidarnaści Jarasłaŭ Lichačeŭski raskazaŭ u fejsbuku historyju pra zabaronienyja ŭ Niderłandach słovy.

Fota: Unox

Jość u Niderłandach dva słovy, jakija nie pryniata vymaŭlać usłych, piša Lichačeŭski. Adno, usim viadomaje F-word, to-bok maciernaje. A jość jašče vyklučna miascovaje E-word.

«Słova hetaje — Elfstedentocht (E'lf-ste'jden-to'cht). Što litaralna aznačaje adzinaccaci haradoŭ šlach. Ničoha nieprystojnaha, tak? Dyk čamu ž nichto nie kaža jaho ŭsłych?

Reč u tym, što hety Elfstejdentocht — heta sistema kanałaŭ daŭžynioj 200 kiłamietraŭ, jakaja źviazvaje pamiž saboj adzinaccać haradoŭ paŭnočna-niderłandskaj pravincyi Frysłand. I tak zdarajecca, što kali-nikali ŭzimku hetyja kanały zamiarzajuć dy pakryvajucca lodam. Kab vy razumieli, zdarajecca heta nie toje, kab kožnuju zimu. Za ŭsio XX stahodździe heta zdarałasia tolki 15 razoŭ», — piša Jarasłaŭ.

Pieršy raz u XX stahodździ kanały zamierźli ŭ 1909 hodzie, apošni — u 1997 hodzie. Samaja ž pieršaja ŭdałaja sproba naviedać usie adzinaccać haradoŭ za adzin dzień zarehistravanaja ažno ŭ 1749-m hodzie.

Paśla 1997 hoda, to-bok čverć stahodzia, Elfstedentocht nie zdaraŭsia.

«I kožny, voś luby tabie na vulicy hałandziec viedaje, kali heta było apošni raz, i ščyra spadziajecca, što voś u hetym hodzie jano dakładna znoŭ spraŭdzicca!

Čamu? Tamu što, kali hetyja kanały zamiarzajuć, usia-ŭsia kraina žyvie tolki hetaj padziejaj. Šalonyja hałandcy ładziać 200-kiłamietrovuju honku na koŭzankach pa hetych kanałach!

Apošnija try razy (1985, 1986, 1997) u honcy ŭdzielničała amal 17 tysiač čałaviek, i heta maksimum, jaki kanały dy infrastruktura mahli vytrymać u toj čas.

Na nastupny Elfstedentocht damovilisia pavialičyć kvotu da 30 tysiač. Heta značyć, što jašče sotni tysiač (kali byŭ šaniec pravieści ŭ 2021 hodzie, vierahodnuju kolkaść hledačoŭ acanili ŭ 2 młn čałaviek!) jeduć hladzieć i zaŭzieć uzdoŭž kanałaŭ», — raspaviadaje Lichačeŭski.

Kab praduchilić transpartny kałaps, pravincyju zakryvajuć dla ruchu asabistaha transpartu (akramia miascovych žycharoŭ), ale ŭsie ciahniki, aŭtobusy dy ŭsio, što tolki možna z hramadskaha transpartu, pieranakiroŭvajecca tudy. Astatnija hladziać heta ŭsio pa telebačańni.

«Padčas Elfstedentocht nichto ŭ krainie, akramia transpartu dy ekstrannych słužbaŭ, nie pracuje. Ahulnanacyjanalnaje śviata!

Kali ja tolki pierajechaŭ siudy i mnie miascovyja siabry raspaviadali pra hetuju tradycyju, ja ŭ ich zapytaŭsia: «A što kali «niemcy» napaduć, a ŭ vas Elfstedentocht?» «Spačatku koŭzanki, potym niemcy», — byŭ całkam pradkazalny hałandski adkaz. Jak niašmat treba žycharam adnoj z najbahaciejšych krain śvietu dla ščaścia. Kab kanały zamierźli!

Dyk čamu słova nie pramaŭlajuć? Usio prosta — kiepskaja prykmieta. Kali skažaš usłych — nie spraŭdzicca», — tłumačyć Jarasłaŭ.

Lichačeŭski piša, što raspavioŭ hetu historyju z prajekcyjaj na Biełaruś.

«Elfstedentocht pravodziŭsia ŭ studzieni 1940-ha, praz try tydni paśla taho, jak byli vykrytyja płany pa ŭvarvańni nacystaŭ u Bieniluks. Kanały znoŭ zamierźli ŭ 41-m dy ŭ 42-m, i hałandcy nie admovilisia ad praviadzieńnia.

Što heta? Sproba pieraharnuć staronku dy praciahvać žyć zvyčajnym žyćciom navat pad akupacyjaj? Ci sposab zachavać rozum praz toje, kab trymacca svaich tradycyj i trymacca razam navat u samyja ciomnyja časy? Jość pra što padumać, asabliva napiaredadni Kaladaŭ, asabliva kali Maryja ŭ reanimacyi, a ŭ nas doma znoŭ hetkaja ciomnaja para.

Chaj u nas budzie svoj E-word, jaki budzie śviacić nam nadziejaj navat praz samuju nieprahladnuju ciemru», — piša jon.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Elfstedentocht u Drazdach/adkazać/
02.12.2022
U Biełarusi taksama budzie svoj Elfstedentocht - kali zajhraje “Lebiadzinaje voziera”
0
R6619/adkazać/
02.12.2022
Łukakapcy
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera