U Biełastoku źjavilisia katalickija nabaženstvy pa-biełarusku
Nabaženstvy dla ryma-katalikoŭ pa-biełarusku adbyvajucca ŭ biełastockim kaściole Maci Božaj Hvadełupskaj. Jany stali mahčymymi dziakujučy namahańniam, prośbam i zvarotam u Biełastockuju archidyjaceziju viernikaŭ ryma-katalickaha kaścioła, jakija pierajechali siudy ź Biełarusi, paviedamlaje «Radyjo Racyja».
Imšy pa-biełarusku ŭ Polščy ŭžo viaducca ŭ kaściołach Varšavy, Krakava, Poznani, Hdańska, Łodzi.
Ciapier heta budzie i ŭ Biełastoku ŭ kaściole Maci Božaj Hvadełupskaj pa adrasie Urocłaŭskaja, 8.
Adpraŭlać nabaženstvy budzie ksiondz Hžehaž Balesta, jaki da hetaha 7 hadoŭ mieŭ słužeńnie ŭ Biełarusi.
Adna ź inicyjatarak praviadzieńnia biełaruskamoŭnych nabaženstvaŭ dla katalikoŭ Biełastoka kaža:
«Heta štości darahoje, što nahadvaje nam, chto my, adkul my siudy pryjechali, što my biełarusy, što ŭ nas jość svaja biełaruskaja mova. I my vielmi ŭdziačnyja, što nam dazvalajuć malicca na svajoj rodnaj movie, choć my tut mienšaść, ale žychary Polščy».
"Nie dumajtie, čto Ja prišieł priniesti mir na ziemlu; nie mir prišieł Ja priniesti, no mieč." - voś heta štole?