Jak abaranić siabie i svoj akaŭnt u WhatsApp: pakrokavy hajd
Niadaŭna z WhatsApp adbyŭsia skandał: chakiery vykłali bazu bolš čym 500 miljonaŭ karystalnikaŭ miesiendžara. Ale heta nie strašna dla ludziej, jakija ŭžo abaranili svoj akaŭnt, — raspaviadajem, jak heta zrabić.
Fota: Marco Verch Professional Photographer / flickr.com / CC BY 2.0
U biełaruskaj miedyjaprastory na padzieju źviarnuła ŭvahu inicyjatyva CyberBeaver. Na prodaž vystavili bolš za 500 miljonaŭ numaroŭ karystalnikaŭ miesiendžara. Hetyja bazy vykarystoŭvajucca dla masavaj rassyłki (biełaruskich tam, darečy, niama).
Naładźcie dvuchfaktarnuju aŭtentyfikacyju
Dla abarony akaŭnta WhatsApp praduhledzieŭ dvuchfaktarnuju aŭtentyfikacyju — dla ŭvachodu vam treba budzie viedać 6-značny pin-kod.
Dla taho, kab jaje naładzić, zrabicie nastupnaje (mieniu pryviedzienaje na ruskaj movie, bo ŭ vatsapie, na žal, niama biełaruskaj):
- Uvajdzicie ŭ prahramu, dalej zajdzicie ŭ «Nałady» (na skrynšocie — android, ale na iPhone mieniu padobnaje).
Kab uvajści ŭ nałady, naciśnicie na try kropki ŭ vierchnim pravym kucie ekrana.
- Dla iPhone — naciśnicie punkt «Nałady» ŭnizie ekrana.
- U naładach abiarycie punkt «Akaŭnt».
Mieniu «Akaŭnt» — pieršaje źvierchu.
- Dalej abiarycie «Dvuchkrokavuju pravierku» i naciśnicie zialonuju knopku «Uklučyć».
Dvuchkrokavaja pravierka druhaja źvierchu.
- Paśla hetaha prahrama prapanuje vam uvieści 6-značny pin-kod, jaki budzie abaraniać vaš akaŭnt. Zrabicie heta dvojčy. Nie zabyvajciesia na pin-kod, bo inačaj vy nazaŭždy zhubicie svoj akaŭnt u vypadku, kali vyjdziecie z usich pryładaŭ. Napačatku možacie jaho niekudy zapisać.
- Vam prapanujuć naładzić e-mail dla skidu parola. Heta vaš vybar, ale kali vy zabudziecie pin-kod, heta adziny sposab uznaŭleńnia akaŭnta. Kali vy ŭkazvajecie e-mail, to budźcie peŭnyja, što jon dobra abaronieny. Jaho možna naładzić i paźniej (a taksama paprasić znajomych za miažoj dać vam dla hetaj mety svoj).
Pierapraviercie aktyŭnyja siesii
Aktyŭnyja siesii ŭ WhatsApp — heta toje, jakija pryłady ciapier aŭtaryzavanyja ŭ akaŭncie. U anhłamoŭnaj viersii heta nazyvajecca «Linked Devices», u ruskamoŭnaj — «Źviazanyja pryłady».
Kali nichto bolš nie karystajecca vašym akaŭntam, to pakazany buduć tolki tyja pryłady, jakija vy paznajecie (u našym vypadku ich uvohule niama). Zakryjcie nieznajomyja vam siesii.
Tak vyhladaje mieniu biez padklučanych pryładaŭ.
Adklučycie zachavańnie miedyja ŭ halerei
Pa zmoŭčańni WhatsApp zachoŭvaje ŭsie fota i videa, jakija vy atrymlivajecie, u vašu halereju. Heta drenna dla biaśpieki, bo jany zachoŭvajucca tam navat paśla vydaleńnia čataŭ. Dla taho, kab adklučyć hetuju funkcyju, zrabicie nastupnaje:
- Uvajdzicie ŭ nałady i abiarycie tam mieniu «Čaty».
- Adklučycie punkt «Bačnaść miedyja» i naciśnicie na paŭzunok, kab jon pieraklučyŭsia ŭ nieaktyŭny stan.
«Bačnaść miedyja» lepš adklučyć.
Naładźcie aŭtavydaleńnie ŭ čatach pa zmoŭčańni
Heta robicca ŭ niekalki klikaŭ. Zajdzicie ŭ mieniu «Kanfidencyjalnaść» i abiarycie tam punkt «Aŭtamatyčny tajmier paviedamleńniaŭ». Naładźcie aŭtamatyčny tajmier na niejkuju kolkaść hadzinaŭ abo dzion (u našym vypadku — sutki).
U hetaj funkcyi jość abmiežavańni. Pa-pieršaje, jana nie budzie datyčycca ŭžo stvoranych dyjałohaŭ i ŭ ich daviadziecca ŭklučać tajmier ŭručnuju. Heta možna zrabić u śpisie, jaki adkryjecca pry naciskańni tekstu «nacisnuŭšy na ich», vyłučanaha ŭ mieniu zialonym. Tam možna abrać usie patrebnyja vam čaty i ŭklučyć u ich aŭtavydaleńnie pa zmoŭčańni.
Pa-druhoje, funkcyja nie dziejničaje na staryja paviedamleńni. Kali ŭ vas tam niašmat darahich sercu rečaŭ, to možna ich prosta vydalić. Poŭnaje vydaleńnie dastupnaje ŭ mieniu «Čaty» ŭ punkcie «Historyja čataŭ». Tam možna vydalić usie čaty, jakija treba, ci vyčyścić ich historyju.
Kali vy chočacie, niekatoryja čaty možna ekspartavać całkam — to-bok, zachavać na inšaj pryładzie ŭ tekstavym vyhladzie.
Taksama źviarnicie ŭvahu na toje, što kali pierasłać paviedamleńnie ŭ čat, dzie nie ŭklučanaje aŭtavydaleńnie, to jano nie vydalicca. Taksama hetyja čaty zachoŭvajucca ŭ reziervovych kopijach pierapisak, ale vydalacca adtul pry nastupnaj sinchranizacyi.
Naładźcie kanfidencyjnaść
Pa zmoŭčańni ŭ vatsapie vašy surazmoŭcy bačać, kali vy byli anłajn, a taksama mohuć bačyć vaša fota i inšyja danyja. Heta možna adklučyć.
Znoŭku ŭvajdzicie ŭ mieniu «Kanfidencyjalnaść». Naciśnicie «Čas apošniaha naviedvańnia» i status «U sietcy»». U mieniu abiarycie «Nichto» — tady nichto nie budzie bačyć, kali vy zachodzili ŭ apošni raz. A kali vy abieracie ŭ punkcie «Chto bačyć, kali ja ŭ sietcy» punkt «Tyja ž, chto bačyć apošniaje naviedvańnie», to nichto nie budzie bačyć, kali vy anłajn.
Voś jak vyhladaje hetaje mieniu z maksimalnymi naładami biaśpieki
Paśla viarniciesia ŭ mieniu «Kanfidencyjalnaść» i abiarycie punkt «Fota profila». Taksama vystaŭcie tam niejkuju naładu biaśpieki.
Paśla pierajdzicie da punkta «Źviestki». Abiarycie tam, chto moža bačyć vašy źviestki i apisańnie.
Dalej varta zrabić tak, kab vas nie moh dadavać u hrupy chto zaŭhodna. Heta robicca ŭ punkcie «Hrupy».
U jakaści dadatkovaha srodku abarony WhatsApp prapanuje adbitak palca. Heta nie najlepšy sposab, ale jon dazvolić vam vystavić bolš hnutkija nałady biaśpieki, u pryvatnaści, adklučyć pakaz źmiestu paviedamleńniaŭ. Uklučać funkcyju ci nie — abirać vam (hałoŭnaje — nie ŭklučać jaho jak srodak razbłakiroŭki ekrana smartfona, bo heta niebiaśpiečna).
Taksama lepš nie davać prahramie dostup da hieadanych. U našym vypadku punkt «Kanfidencyjalnaść» staŭ vyhladać tak:
Źniešni vyhlad mieniu «Kanfidencyjalnaść» z uklučanymi naładami biaśpieki
Vyklučycie ci zašyfrujcie reziervovyja kopii
WhatsApp dazvalaje vam rabić reziervovyja kopii ŭsich pierapisak. Heta zručna, bo dazvalaje vam uznaŭlać ich pry ŭvachodzie na novaj pryładzie i vychadzie z akaŭnta. Ale heta moža stać i prablemaj, bo reziervovyja kopii zachoŭvajucca ŭnutry vašaha huhł-akaŭnta, i kali jaho ŭzłamajuć, to heta niebiaśpiečna. Znachodzicca heta ŭ punkcie naładaŭ «Čaty» ŭ raździele «Reziervovaja kopija čataŭ».
Kali vy ŭsio ž vyrašyli stvarać reziervovyja kopii, to abaranicie ich parolem, a parol staranna schavajcie — u mieniedžary parolaŭ ci ŭ znajomych za miažoj. Zrabić heta možna ŭ punkcie «Kapiravańnie z šyfravańniem».
Kab adklučyć aŭtamatyčnaje kapiravańnie, abiarycie ŭ punkcie «Kapiravać na Google dysk» punkt «Nikoli» abo «Pa naciskańni «Stvaryć reziervovuju kopiju»».
Vydalić vašy papiarednija reziervovyja kopii možna praz vaš huhł-dysk. Patrapić tudy možna pa hetaj spasyłcy.
Padumajcie, ci varta pakidać aŭtamatyčnuju zahruzku miedyjafajłaŭ
Taksama isnuje mahčymaść, pa anałohii z telehramam, adklučyć aŭtazahruzku miedyja. A taksama ŭklučyć ekanomiju danych u samim miesiendžary. Znachodzicca heta ŭ punkcie naładaŭ «Danyja i schovišča».
Kali vy naładzicie svoj WhatsApp-akaŭnt, to vy budziecie abaronienyja značna lepš jak ad šarahovych machlaroŭ, hetak i ad biełaruskich śpiecsłužbaŭ.
«Naša Niva» — bastyjon biełaruščyny
PADTRYMAĆČytajcie jašče:
Jak nadziejna vyčyścić foty z vašych smartfonaŭ — padrabiazny hajd
Telegram i nie tolki — jak pravilna pačyścić miesiendžary, kab nie trapić pad represii. Padrabiazny hajd
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
