Znajści
Ałharytmičny łacinski varyjant
21.11.2022 / 19:051RusŁacBieł

Na čempijanacie śvietu pa futbole anhličanie razhramili irancaŭ 6:2. Ale matč zapomnicca nie likam

Matč pieršaha tura hrupy B prajšoŭ na Mižnarodnym stadyjonie imia šejcha Chalify ŭ Jer-Rajanie. I ŭžo ŭ pačatku adbyłasia padzieja, jakaja zaśviedčyła, što matč budzie niezvyčajny — iranskaja zbornaja demanstratyŭna admoviłasia vykonvać himn krainy ŭ znak salidarnaści z achviarami pratestaŭ u Iranie.

Napiaredadni, darečy, mocny pratesny palityčny žest zrabiła i žanočaja zbornaja Irana pa baskietbole. Jaje ŭdzielnicy demanstratyŭna źniali abaviazkovyja dla iranskich žančyn chustki-chidžaby i tak zrabili supolny zdymak.

Palityčny aśpiekt mocna adčuvaŭsia i na trybunach. Iranskija fanaty padčas hulni demanstravali płakaty «Žančyny, žyćcio, vola». 

Kapitan ža zbornaj Irana Eksan Chadžsafi pierad hulnioj kamientavaŭ pratesty: 

«My pavinny pryznać, što ŭmovy ŭ našaj krainie niapravilnyja, ludzi imi niezadavolenyja. Pierš za ŭsio, ja chacieŭ by vykazać svaje spačuvańni ŭsim siemjam zahinułych u Iranie. Jany pavinny viedać, što my ź imi, my ich padtrymlivajem i spačuvajem».

Pratestavy impuls padtrymali i anhličanie, ich kapitan Chary Kiejn vyjšaŭ na hety matč z paviazkaj, na jakoj było napisana «Nie dyskryminacyi». 

Uvohule anhlijskaja futbolnaja asacyjacyja płanavała vykarystoŭvać paviazku One Love, jakaja musiła aznačać pratest suprać lubych formaŭ dyskryminacyi, u tym liku i z dyskryminacyjaj ŁHBT. Ale na heta jana atrymała, jak i inšyja fiederacyi, zabaronu ad FIFA.

Mižnarodnaja fiederacyja pahražała za takija paviazki davać žoŭtyja kartki kapitanam užo na samym pačatku matčaŭ. FIFA ŭzhadniła tolki paviazki z nadpisam «Dyskryminacyi — nie!».

Sama hulnia išła pad dyktoŭku anhličan, jakija faktyčna vyrašyli jaje los užo ŭ pieršym tajmie.

Na 35-j chvilinie lik adkryŭ Džud Bielinhiem, na 43-j padvoiŭ Bukajo Saka, a ŭžo ŭ dabaŭleny da asnoŭnych 45 chvilin čas Rachim Sterlinh davioŭ lik da bujnoha.

Rafael Kłaus, darečy, dadaŭ da pieršaha tajma ažno 14 dadatkovych chvilin. Heta adbyłosia z-za zatrymak paśla traŭmy hałkipiera irancaŭ Alirezy Bieiranvanda — jon sutyknuŭsia z abaroncam svajoj kamandy i raźbiŭ nos.

Hulniu prypyniali dvojčy, bramnik sprabavaŭ praciahnuć sustreču, niahledziačy na paškodžańni. Ale ŭ vyniku jaho vynieśli z pola na nasiłkach.

U druhim tajmie raspačaty praces razhromu irancaŭ praciahnuŭsia. Na 62-j chvilinie Bukajo Saka zabiŭ čaćviorty hoł (21-hadovy futbalist tym samym adznačyŭsia dublem užo ŭ debiutnym dla siabie matčy ŭ finalnych turnirach čempijanatu śvietu). I choć praz try chviliny Miechdzi Taremi zabiŭ pieršy iranski miač u adkaz, hały Markusa Rešfarda na 71-j chvilinie i Džeka Hryliša na 89-j daviali lik da nieprystojnaha. Druhi hoł taho ž Taremi ŭžo ŭ dabaŭleny čas — arbitr znoŭ dadaŭ cełych 10 chvilin, a realna hulali jašče bolš — taksama staŭ słabym suciašeńniem.

Paśla apošniaha hoła anhličan adbyłasia pryhožaja scena.

Pierad pačatkam čempijanatu 11-hadovy chłopiec Finli, chvory na cerebralny paralič, paprasiŭ Džeka Hryliša, kali toj zabje hoł na čempijanacie, adznačyć jaho takim čynam. I, zabiŭšy, Džek pra hetuju prośbu nie zabyŭsia. 

Akramia inšaha, hety matč adznačyŭsia niezvyčajnym rekordam — upieršyniu ŭ historyi čempijanataŭ śvietu byli ŭvadnačas zamienienyja adrazu čatyry hulcy. Zrabili heta anhličanie. 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
chchi stahodzie/adkazać/
21.11.2022
małajcy. «Nie dyskryminacyi».
a tym časam na radzimie Statutaŭ...(
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera