Źmianiŭsia paradak zapisu na polskuju vizu, pasiarednikam stanie ciažej
Z 28 listapada ŭsie paŭnaletnija hramadzianie Biełarusi, jakija padajuć dakumienty na vizu ŭ Polšču, pavinny buduć prajści vieryfikacyju praź mižbankaŭskuju sistemu identyfikacyi (MSI), zaŭvažyli ŭ ajcišnym kanale Dzik Pic. Ciapier firmam-pasiarednikam, vidać, budzie składaniej braniravać miescy dla padačy viz.
Siońnia na sajcie vizavaha centra VFS źjaviłasia padrabiaznaja instrukcyja adnosna taho, jak prajści vieryfikacyju praź sistemu MSI. MSI — heta sistema, jakaja vykarystoŭvajecca dla addalenaj identyfikacyi klijentaŭ bieź ich asabistaj prysutnaści i akazańnia im pasłuh pry dapamozie ličbavych kanałaŭ absłuhoŭvańnia.
U Dzik Pic miarkujuć, što hety krok pieraškodzić firmam-pasiarednikam braniravać miescy na padaču dakumientaŭ. Vieryfikacyjny kod MSI dziejničaje adnu hadzinu, maksimalnaja kolkaść sprobaŭ vieryfikacyi — 10. Potym sistema časova błakuje karystalnika.
